САХА ТӨРҮТ АҺЫН КҮНЭ
САХА ТӨРҮТ АҺЫН КҮНЭ 🌀Бүгүн Тааттаҕа - саха төрүт аһын күнэ. Бастакы тэрээһиӈӈэ Тааттаттан төрүттээх, манна төрөөбүт, улааппыт асчыт уолаттарбыт, Дархан асчыт Иннокентий Тарбаахап үөрэнээччилэрэ Константин Матаннанов, Антон Евграфов, Михаил Аввакумов, Прокопий Толстяков биир дойдулаахтарыгар саха мааны аһын хас да көрүӈүн астыахтара. Ол курдук, саха лэппиэскэтин, соботтон рулет, астаах саламааты, итиэннэ балыктан индигирканы оӈорон көрдөрүөхтэрэ. Бу түгэӈӈэ бэлэмнэнии түһүмэхтэрэ буола турар. Эт-ас, үүт-сүөгэй, балык барыта бэйэбит аспыт-үөлбүт. Асчыттар төрүт аспытын астыырга сүбэлэрин биэриэхтэрэ, кистэлэҥнэрин үллэстиэхтэрэ. Константин: "Эһиил өссө элбэх буолан кэлиэхпит, сааһыары таһырдьа улахан олгуйга бидиличчи астаан, кэлбит дьону дэлэччи күндүлүөхпүт", - диэн үөртэ. @taattagazeta @ulusmedia