Управление культуры и духовного развития МР «Хангаласский улус»
Новости · 25 июня 2026 г.
Эркээни Ыһыаҕын сонун уонна сана көрүү-күрэҕинэн "Орто Дойду кэрэтэ, Түһүлгэ мааны көст... — 25 июня 2026 г. в 05:52:34.023
Эркээни Ыһыаҕын сонун уонна сана көрүү-күрэҕинэн "Орто Дойду кэрэтэ, Түһүлгэ мааны көстүүтэ!" нэһилиэктэр култуура кииннэрин икки ардыларыгар ыытыллыбыт фотозона күрэҕэ дьону-сэргэни сэргэхситтэ. Бу күрэх сыала-соруга Орто Дойду киэҥ түһүлгэтин тупсарыы, култуурнай нэһилиэстибэни киэҥ эйгэҕэ тарҕатыы буолар. Күрэххэ барыта 7 култуура киинэ кытынна: Мохсоҕоллоохтооҕу «Юность», 2-Малдьаҕар «Дьөһөгөй» түмэлэ, Өктөм «Барҕарыы», Тумул КСК, 2-Дьөппөн «Ситим», Бэстээх «Олимп», Дьэр «Айылгы» кулууптара. Фотозоналар бары даҕаны олус тупсаҕайдар, киһи интэриэһин тардар гына оҥоһуллубуттар. Эркээни ыьыаҕын ыалдьыттара санаа хоту, самаан сайыны саныы сылдьарга элбэхтик хаартыскаҕа түстүлэр. Санатан эттэххэ, аны күһүн балаҕан ыйыгар куйаар ситиминэн «Дьон-сэргэ биһирэбилэ» номинацияны талыахпыт. Онтон дьүүллүүр сүбэ түмүгүн Култуура сылын түмүктүүр тэрээһиҥҥэ үрдүкү сыанаттан биллэриэхпит. #КультураХаналас #ЫсыахЭркээни2026