Управление культуры и духовного развития МР «Хангаласский улус»
Новости · 1 июля 2026 г.
Хаҥалас улууһугар СҮҮС сыллаах үбүлүөй!!! — 1 июля 2026 г. в 13:22:38.584
Хаҥалас улууһугар СҮҮС сыллаах үбүлүөй!!! Ырыаҕа ылланардыы, хоһооҥҥо хоһулларыныы, үтүө санааҕа, эҕэрдэлэргэ этиллэринии «Сүүс сааскар диэри сүүрэ сылдьан көрсөөр!» - диэн этии бүгүн чахчы олоххо көстөр үтүө күн, Тиит Арыы нэһилиэгэр —өрөгөйдөөх үбүлүөй кунэ! Бу күн оруобуна сүүс сыл анараа өттүгэр Харыйалаах диэн улахан киин буола сылдьыбыт нэһилиэккэ Марфа Алексеевна, Степан Афанасьевич Федоровтар дьиэ кэргэттэригэр Фекла Степановна күн сирин көрбүтэ. Кини Аҕа дойду ыар сылларын кэннэ Дьокуускайдаа5ы рабфакка киирэн үөрэнэн учуутал урдук аатын сүгүөҕүттэн элбэх көлүөнэ ыччаты сырдыкка-үтүөҕэ угуйбута, үөрэх-билии аартыгын арыйбыта, онтон оҕо саадыгар өр кэмнэргэ сэбиэдиссэйинэн үлэлээбитэ, нэһилиэккэ бэтэрээннэр сэбиэттэрин салайбыта, төрөөбүт нэьилиэгин общественнай оло5ор актыыбынай кыттыыны ылара. Кэргэнинээн -Аҕа дойду улуу сэриитин бэтэрээнин Егоров Николай Дмитриевичтыын 1949 с.ыал буолан эйэ-дэмнээхтик 34 сыл бииргэ олорбуттара. Фекла Степановна 1972 сыллаахха дойду улахан на5араадатын, герой ийэ уордьанын ылбыта. 10 о5ону күн сирин көрдөрөн, 23 сиэн, 43 хос сиэн, 4 хос хос сиэн эбээлэрин үрдүк аатын күн бүгүн сүгэр. Биэс о5ото, сэттэ сиэнэ элбэх о5олоох ыаллар. Ытык киьибит Фекла Степановна Өрөспүүбүлүкэ педагогическай династияларын үрдүк аатын сүгэр, ол курдук, алта о5ото учуутал буолбуттара, кыыьа Любовь Николаевна, кийиитэ Нина СӨ үөрэҕирии энциклопедиятыгар киирбиттэрэ, элбэх сиэннэрэ учууталлар. Үбүлүөйдээх 2026 сылга Егоровтар педагогическай династиялара СӨ бочуот кинигэтигэр киирдилэр. Бүгүҥҥү үөрүүлээх күҥҥэ дойдубут бэрэсидьиэнин Владимир Путин телеграмматын, СӨ Ил Дарханын Айсен Николаев «Ытык саас» түөскэ кэтиллэр бэлиэтин, Дьокуускай куорат мэрин Евгений Григорьев э5эрдэтин, сэртэпэкээттэри, э5эрдэ, махтал суруктарын улуус баһылыга Сергей Гребнев туттарда, улуус дьокутааттарын сэбиэтин бэрэссэдээтэлэ Анатолий Антонов улуус бочуоттаах олохтоо5о буолбутун туоһулуур дьаһалын туттарда, Ил Тумэн э5эрдэлэрин тириэртэ, улуус социальнай харалтатын салайааччыта Светлана Константинова СӨ үйэлээх үбүлүөйүнэн биир мөлүйүөн солкуобай анал счетугар түспүтүн иһитиннэрдэ, СӨ үөрэҕин миниистирин солбуйааччы Ньургун Павлов эҕэрдэ суруктары туттарда. Бу күн Тиит Арыы нэьилиэгэр улахан үөрүүлээх күн , дэннэ көстөр үйэ олорбут ытык киһибит Фекла Степановна Егорова өрөгөйдөөх үбүлүөйүгэр барҕа махтал, эҕэрдэ-алгыс тыллара этилиннилэр, баҕарыа этибит күндү киһибитигэр чэгиэн сылдьаргар, Эн олоххо муударай сыһыанын биһиэхэ барыбытыгар үтүө холобур буолар!!! Сүүс сыллаах өрөгөйдөөх сааскынан!!!