Управление культуры и духовного развития МР «Хангаласский улус»
Новости · 30 июля 2026 г.
От ыйын 30 күнүгэр, Хаҥалас улууһун Улахан-Ааныгар "Саха Боотур" уһуйаан, бу дьылга ик... — 30 июля 2026 г. в 08:26:16.251
От ыйын 30 күнүгэр, Хаҥалас улууһун Улахан-Ааныгар "Саха Боотур" уһуйаан, бу дьылга иккис сезонун арыйда. Манна Чурапчы улууһуттан, Хатастан, Дьокуускайтан, Хаҥаластан уол оҕолор кэлбиттэр. Бастакы сезоҥҥа, уһуйаан эт-сиин чэбдигирдиитин ньымаларынан, ат миинии, ох сааннан ытыы, тимир уһаарынан дьарыктаммыт эбит буоллахтарына, бу сырыыга саха төрүт үгэһигэр-оһуохайга уһуйуллуу буолар. Оһуохай дьарыгын түөрт күн устата ыытыахтара: Саха Өрөспүүбүлүкэтин үтүөлээх оһуохайдьыта, Саха Өрөспүүбүлүкэтин култууратын туйгуна, уһуйааччы учуутал-Кучурова Таисия Аркадьевна, Саха Өрөспүүбүлүкэтин култууратын туйгуна, фольклор уһуйааччыта-Кондратьева Евдокия Ивановна-Кылыһах Далбар,Саха Өрөспүүбүлүкэтин үтүөлээх оһуохайдьыта, биир дойдулаахпыт- Ньургун Давыдов. Уҥуйааччыларга Хаҥалас улууһун култууратын уонна духуобунай сайдыытын салалтатын аатыттан Махтал сурук туттарылынна. Уһуйаан арыллыыта үгэс быһыытынан, Улахан-Аан "Ытык Очуос"хайатыгар саҕаланна. "Саха Боотур" салайааччыта Андрей Юльевич Артамонов уолаттарга уһуйаан сыалын-соругун, уһуйааччыларын билиһиннэрдэ. Хайа үрдүгэр оһуохай дуораһыйда, алгыс тыла этилиннэ. "Ытык Очуостан" уолаттар сатыы "Ампаардаах" алааһыгар туруннулар.