Үбүлүөйдээх театр - студияҕа эҕэрдэ💯📖👫👫📚✅
Үбүлүөйдээх театр - студияҕа эҕэрдэ💯📖👫👫📚✅ Бу ый 24 күнүгэр, Россияҕа норуоттар доҕордоһууларын, Сахабыт сиригэр культура сылыгар анаан А. Черемных аатынан Амматааҕы оҕо искусствотын оскуолатын иһинэн үлэлиир Абаҕатааҕы Ф. Потапов аатынан "Мааска" оҕо театр-студията 20 сыллаах үбүлүөйдээх тэрээһиннэрэ буолан ааста🎭. Убаастабыллаах Евгения Николаевна, иитиллээччилэр уонна төрөппүттэр! Бу күн эһиги Эбээн кыракый, ол эрээри хорсун-хоодуот кыысчаана "Кындыкаан - хоту дойду сардаҥата" Лидия Тарасова остуоруйа испэктээгин үрдүк таһымнаахтык туруоран Аммабыт дьонугар - сэргэтигэр таһааран үйэлээх күндү бэлэҕи оҥорбуккутунан, улахан биһирэбили ылбыккытынан уонна Ф.Ф.Потапов аатынан "Мааска" оҕо тыйаатырын устуудьуйата 20 сыллаах үбүлүөйүнэн ис сүрэхтэн эҕэрдэлиибит, уруйдуубут- айхаллыыбыт🎭! Үүнэр ыччаппытын кэрэ эйгэтигэр уһуйан кэрэни кэрэхсииргэ, үтүө үлэни өрө тутарга иитэр дьоһуннаах уонна махталлаах үлэҕитин үрдүктүк сыаналыыбыт! Эһиги чулуу туруорууларгытынан аан дойду таһымыгар Аммабыт, Сахабыт сирин дорҕоонноохтук ааттатаҕыт. Айымньылаах, кэскиллээх элбэх хайысхалаах үлэҕитигэр өссө үрдүк үгүс ситиһиилэри, үүнэр ыччаппытын иитиигэ, ийэ тылы, дьоҕуру сайыннарыыга, норуот тыыннаах хааларыгар кэскиллээх үлэҕит салҕанан, өссө сайдан иһэригэр баҕарабыт!💐💐💐