🚀Инженернэй күрэс түмүктэннэ
🚀Инженернэй күрэс түмүктэннэ Алтынньы 27 күнүгэр академик Л.В. Киренскэй аатынан Амма лиссиэйигэр «Инженерные соревнования» түмүктүүр иккис күнэ олус умсугутуулаахтык уонна көхтөөхтүк ааста. Бу икки күн устата Амма улууһун оскуолаларын оҕолоро бэйэлэрин өй-санаа, дьоҕур уонна айымньылаах быһаарыы саҥа көрүҥнэрин көрдөрдүлэр. Түмүктүүр күҥҥэ оҕолор бэйэлэрэ оҥорбут үлэлэрин дьүүллүүр сүбэҕэ көрдөрдүлэр, бырайыактарын көмүскээтилэр. Оҕолор инженернэй дьоҕурдарын толору туһанан, араас кыһалҕалары быһаарар саҥа ньымалары уонна технологиялары ырыттылар. Хас биирдии үлэ ис сүрэхтэн оҥоһуллубута тута харахха быраҕыллар. Ол барыта оҕолор саҥаны айыыга дьулуурдарын, кэлэр кэмҥэ үлэлиир баҕаларын бигэргэтэр. Ол курдук икки күннээх күрэс түмүгэ маннык буолла: 7 кылаастар ортолоругар: 🥉3 үрдэл - Л.В. Киренскэй аатынан Амма лиссиэйин хамаандата «Бомба», Иванов Эрчим, Чемезов Максим 🥈2 үрдэл -Е.Л. Чистяков аатынан Майскай орто оскуолатын «Квадрат» хамаандата, Захаров Захар, Новиков Максим. 🥇«Кылаан кыайыылаах» - П.И. Караканов аатынан Мээндиги орто оскуолатын «Успех» хамаандата, Софронов Эрсан, Яковлева Анастасия. 8 кылаастар ортолоругар: 🥉3 үрдэл - В.В. Расторгуев аатынан Амма иккис нүөмэрдээх оскуолатын «Инноваторы» хамаандата, Иванов Виталий, Андреев Ярослав. 🥈2 үрдэл - А.Е. Кралин аатынан Абаҕа орто оскуолатын «Абаҕа» хамаандата, Сутакова Аврора, Карпов Арылхан 🥇«Кылаан кыайыылаах» - Н.Е. Иванов аатынан Бөтүҥ орто оскуолатын «Сулустар» хамаандата, Егоров Дьулусхан, Татаринов Ариан. Кыайыылаахтарга, кыттыыны ылбыт оҕолорго, салайааччыларга тэрийээччилэр ааттарыттан улахан махталбытын тиэрдэбит! Куруук бу курдук көхтөөхтүк кыттар буолуҥ! Маны таһынан күрэҕи өйөөбүт үбүлээччилэрбитигэр Амма улууһун МКУ «Улуустааҕы сакаасчыт сулууспата» салайааччытыгар Новиков Николай Александровичка, Дьокуускай куорат Окружной дьаһалтатын экономика уонна стратегическай торум Департаменын тутууга сыананы чинчийэр отделын салайааччытыгар Алексеева Любовь Николаевнаҕа, М.К. Аммосов аатынан ХИФУ аспираныгар, Инженернэй-техническэй институт ассистеныгар уонна 1-гы категориялаах лабораныгар Бытыров Алгыс Прокопьевичка, «Сахаэнерго» ПАО Аммааҕы РЭС үлэһитигэр, энергетика уонна үлэ бэтэрээнигэр Кузнецов Дмитрий Дмитриевичка, «Энергосбыт» Амматааҕы учаастагын инженеригэр Никитин Анатолий Андреевичка, «ГУП ЖКХ» Амматааҕы салаатын маастарыгар Петров Михаил Васильевичка, инженеригэр Макаров Айсен Дмитриевичка, инженер-программиһыгар Новиков Вячеслав Иосифовичка, ООО «Амма-Суол» сүрүн инженеригэр Оконешников Мичил Валерьевичка иһирэх махталбытын тиэрдэбит! Күрэскэ кыттыбыт оҕолор бары кэлэр кэм инженердэрэ буоларга бастакы хардыыларын оҥордулар. Кинилэр инники олохторугар хайаан да туһаныахтара, Саха сирин сайдыытыгар үлүскэнник кылааттарын киллэриэхтэрэ диэн эрэнэбит. Күрэс үөрүүлээх түмүгүнэн, кыайыылаах хамаандалар ааттаннылар уонна сыаналаах бэлэхтэринэн, махтал суруктарынан наҕараадаланнылар.