24 апрель көнне Балтач гимназиясендә бөек шагыйребез Габдулла Тукайның 140 еллыгын бәйр... — 25 апреля 2026 г. в 11:29:14.574
24 апрель көнне Балтач гимназиясендә бөек шагыйребез Габдулла Тукайның 140 еллыгын бәйрәм итүгә багышланган тантаналы бәйрәм булды. Әлеге бәйрәмдә мөхтәрәм кунаклар катнашты. Укучылар Татарстанның халык шагыйре Газинур Морат, якташыбыз, филология фәннәре докторы, профессор Ләйлә Минһаҗева белән әңгәмәдә Тукайның милләтебез үсешенә керткән бәяләп бетергесез хезмәте хакында моңарчы белмәгән фактлар белән таныштылар. Сәхнәдән Тукай шигырьләре, җырлары яңгырады. Ләйлә Ихсановна җитәкчелегендәге Казахстаннан килгән бер төркем аспирантлар да үз телләрендә мәшһүр шагыйребезнең әсәрләрен рухланып сөйләделәр. Бай эчтәлекле, мәшһүр шагыйребез иҗатына ихтирам тәрбияләүгә юнәлтелгән әлеге бәйрәм һәркем күңелендә җылы хисләр калдырды.
0 реакций