❤️СҮРЭХ СЫЛААҺЫН ИҤЭРЭН...» – айар быыстапка үөрүүлээхтик аһыллынна! — 4 октября 2026 г. в 05:12:45.712
❤️СҮРЭХ СЫЛААҺЫН ИҤЭРЭН...» – айар быыстапка үөрүүлээхтик аһыллынна! Бүгүн «Симэх» национальнай киин киэн саалата сахалыы тыынынан туолла. Манна, Культура сылыгар, Эбии үөрэхтээһин эйгэтин үлэһиттэрин, Учууталлар анал тэрээһиннэригэр сөп түбэһиннэрэн, Саха Өрөспүүбүлүкэтин уус-уран оҥоһуктарын норуотун маастара, Ф.И. Авдеева аатынан Оҕо айымньытын дыбарыаһын үрдүкү категориялаах сүрүн уһуйааччыта Лена Яковлева «Сүрэх сылааһын иҥэрэн...» анал быыстапката чаҕылхайдык арылынна. 🎊 Быыстапкаҕа турдулар: маастар бэйэтин илиитин сылааһын иҥэрэн тикпит сахалыы мааны таҥастара, сиэдэрэй киэргэллэрэ, олус дьоһун улахан АТ СИМЭҔЭ уонна араас уран кырадаһын (кыбытыы) оҥоһуктара көрөөччү дьүүлүгэр таҕыстылар. Үөрүүлээх аһыллыыга итии-истиҥ эҕэрдэ тылларын тиэртилэр: ⭐️Ф.И. Авдеева аатынан Оҕо айымньытын дыбарыаһын дириэктэрэ Т.И. Иванова; ⭐️«Симэх» национальнай киин ресурснай отделын салайааччыта Д.К. Осипов; ⭐️Маастар төрөөбүт дойдутуттан, Нам улууһун Хамаҕатта нэһилиэгин норуот айымньытын түһүлгэтин салайааччыта А.А.Харитонова. Ыҥырыылаах ыалдьыттар, араас сылларга алтыһан ааспыт коллегалара, оскуола, эдэр саас доҕотторо, уһуйбут оҕолоро, аймахтара тоҕуоруһа кэлэн сахалыы тыыннаах быыстапканы сөҕө-махтайа көрдүлэр, махтал, алгыс тылларын анаатылар. Уран тарбахтаах маастарбытыгар Лена Яковлева5а уостубат айар куту, кэскиллээх ситиһиилэри уонна уһун дьоллоох олоҕу баҕарабыт!✨ МАХ-канал ДДТ им. Ф.И. Авдеевой