⛰️«Өлүөнэ очуостара» саҥа остуол оонньуутун күрэҕэ ыытылынна
⛰️«Өлүөнэ очуостара» саҥа остуол оонньуутун күрэҕэ ыытылынна Ф.И. Авдеева аатынан Оҕо айымньытын дыбарыаһыгар ураты сахалыы тыыннаах, өй-санаа эрэйиллэр «Өлүөнэ очуостара» остуол оонньуутун күрэҕэ буолан ааста.🤩 Бу күн Анжела Андросова, үрдүкү категориялаах уһуйааччы, «Оскуола иннинээҕи уонна оскуола саастаах оҕолору сайыннарар ньыма быһыытынан сахалыы остуол оонньуулара» диэн саҥа кинигэтэ сүрэхтэннэ. Методическай ньымалара эдэр уһуйааччыларга улахан бэлэх! ⭐️Ыҥырыылаах ыалдьыт Ольга Григорьева, СР терут остуол оонньууларын Федерациятын президенэ, «Камелек» хампаанньа генеральнай директора эҕэрдэлээтэ. ⭐️Бочуоттаах ыалдьыттар Екатерина Яковлева уонна Олеся Кондакова-Захарова бастакы остуолбалары туруоран күрэҕи үөрүүлээхтик астылар. Бу Сахабыт сирин биир саамай ытык сирин – Өлүөнэ туруук хайаларын санатар остуолбалары туруорууга кыттааччылар эттэринэн-хааннарынан ылынан күрэхтэстилэр. Сымса, тулуурдаах, дьулуурдаах, сэрэйэр көрөр дьоҕурдаах оҕолор кыайыы үөрүүтүн биллилэр. Саамай элбэх остуолбаны туруорбут оҕолор «Ленские столбы» национальнай парк анал бириистэринэн ылан үөрдүлэр. Аһаҕас турнирга барыта 60 оҕо кытыннылар, саамай ыраах кыттааччылар Бүлүү улууһуттан кэлэн бардылар. Күрэх түмүгэр тренердэр бэйэлэрэ оонньоон астынан тарҕастылар.✨ МАХ-канал ДДТ им. Ф.И. Авдеевой