Олоҕун тухары үөрэхтээһин эйгэтигэр бэриниилээхтик үлэлээбит ытык киһибит, Саха суругун... — 3 сентября 2026 г. в 08:23:41.700
Олоҕун тухары үөрэхтээһин эйгэтигэр бэриниилээхтик үлэлээбит ытык киһибит, Саха суругун-бичигин төрүттээччи, улуу сырдатааччы А.Е. Кулаковскай — Өксөкүлээх Өлөксөй сиэнэ Рива Реасовна Кулаковская 85 сааһын туолла. Маныаха анаан үбүлүөйдээх бэлиэ күнүнэн Таатта улууһун үөрэҕириитин салалтатын начаалынньыга Иннокентий Иннокентьевич Дягилев, Ытык Күөл 1-кы нүөмэрдээх орто оскуолатын дириэктэрэ Иван Евсеевич Будикин уонна Таатта улууһун үөрэҕириитин биир идэлээхтэрин сойууһун бэрэссэдээтэлэ Прокопий Васильевич Борисов итиитик-истиҥник эҕэрдэлээтилэр уонна Саха сирин үөрэҕириитин миниистирэ Нюргуна Афанасьевна Соколова аатыттан эҕэрдэ сурук туттардылар. Олоҕун кэлэр көлүөнэни иитиигэ, үөрэх эйгэтигэр анаабыт ытык бэтэрээн куруук сырдык санаалаах, эдэрдии эрчимнээх сылдьарын бэлиэтээн туран дириҥ махталларын тиэртилэр. Ытыктабыллаах Рива Реасовнаҕа кытаанах доруобуйаны, уһун үйэни уонна чугас дьонун ортотугар истиҥ дьолу баҕарабыт!