▶️ Оскуола иннинээҕи үөрэхтээһин үлэһиттэрин чиэстээтилэр
▶️ Оскуола иннинээҕи үөрэхтээһин үлэһиттэрин чиэстээтилэр 💠 Саха Өрөспүүбүлүкэтин Бырабыыталыстыбатын Дьиэтин актовай саалатыгар Оскуола иннинээҕи үөрэхтээһин үлэһиттэрин күнүгэр аналлаах үөрүүлээх тэрээһин буолан ааста - оҕо уһуйааннарын педагогтарын уонна кэлэктииптэрин, оскуола иннинээҕи үөрэхтээһин сайдыытыгар сүҥкэн кылааттарын киллэрбит дьону, чиэстээтилэр. 💠 Саха Өрөспүүбүлүкэтин үөрэххэ уонна наукаҕа миниистирэ Нюргуна Соколова эҕэрдэ тылыгар оҕо личность быһыытынан сайдыытыгар оскуола иннинээҕи үөрэхтээһин суолтатын бэлиэтээтэ, төрөөбүт тылы, култуураны уонна үгэстэри ытыктыыга иитии суолтатын тоһоҕолоон эттэ. 💠 Бу тэрээһиҥҥэ «Бастыҥ тыа сирин оҕо уһуйаана – 2026» куонкурус кыайыылаахтарын наҕараадалаатылар.Сыллата ыытыллар өрөспүүбүлүкэтээҕи куонкуруска быйыл барыта 24 улуустан 34 оскуола иннинээҕи үөрэхтээһин тэрилтэтэ кытынна. 💠 «Педагогическай хамаанда инники кэскилэ: настаабынньыктааһын уонна педагогтар идэлэрин үрдэтии» номинацияҕа кыайыылааҕынан Ытык-Күөл «Сулусчаан» оҕо уһуйаана буолла, салайааччы Елена Титовна Алексеева. 💠 Үрдүк наҕарааданан Елена Титовнаны уонна уһуйаан кэлэктиибин итиитик эҕэрдэлиибит! Саҥа үрдүктэн үрдүк ситиһиилэри уонна саҥа кыайыылары баҕарабыт! 💐