Управление образования Тукаевского муниципального района РТ
Образование · 19 августа 2026 г.
Бүген Иске Абдул урта мәктәбендә туган (татар) теле һәм әдәбияты укытучыларының секция ... — 19 августа 2026 г. в 18:34:17.539
Бүген Иске Абдул урта мәктәбендә туган (татар) теле һәм әдәбияты укытучыларының секция утырышы үткәрелде. Утырыш мәктәп директоры Габидуллин А. Р. Һәм мәктәп укучыларының сәламләү сүзе белән башланды. Милли мәсьәләләр буенча җаваплы методист Вильданова Л. Р. үткән уку елына анализ ясады, 2026− 2027 нчы уку елына төп бурычларны билгеләде. Cекция эшендә татар теле һәм әдәбияты укытучыларының район методик берләшмәсе җитәкчесе Умнова Л. И. татар теленнән төп дәүләт имтиханы нәтиҗәләренә анализ ясады. Кече Шилнә урта мәктәбе укытучысы Дәүләтова И. Г. "Авыл укытучысы" бәйгесенә әзерләнү барышында килеп туган проблемалар белән бүлеште һәм аларны чишү юлларын күрсәтте. Круглое Поле һәм Яңа поселок урта мәктәбе укытучылары Мисбахова И. Ә. һәм Гатина А. Р. милли алка ясау һәм лалә чәчәге чигү буенча осталык дәресләре үткәрделәр. Бөтенроссия татар теле һәм әдәбияты укытучылары ассоциациясенең Тукай муниципаль районы бүлеге җитәкчесе Мәүҗитова Р. Г. ассоциация эшчәнлегенә нәтиҗә ясады, 2026-2027 нче уку елына бурычлар билгеләде. Секция утырышы "Гиндукуш" сугышчан Дан музеена экскурсия белән тәмамланды. Иске Абдул мәктәбе коллективына секция эшен оештыруга шартлар тудырган өчен рәхмәт белдерәбез. Эшләрендә уңышлар телибез. Барлык укытучыларны якынлашып килүче яңа уку елы белән котлыйбыз!