Ньурба улууһун Чаппанда нэһилиэгин бэтэринээрэ Георгий Николаевич Егоров 65 сааһыгар ан... — 26 августа 2026 г. в 00:49:42.144
Ньурба улууһун Чаппанда нэһилиэгин бэтэринээрэ Георгий Николаевич Егоров 65 сааһыгар анаммыт хоһооннорун хомуурунньуга күн сирин көрдө. Бу «Санаам иэйиитэ» диэн дьоҕус кинигэтигэр Георгий Николаевич чэпчэкитэ суох бэтэринээр үлэтиттэн быыс булан, айар үлэ умсулҕаныгар уйдаран суруйбут хоһоонноро киирдилэр. Кинигэ ааптарын таптыыр идэтин күннэрэ-түүннэрэ, кыылы-сүөлү эмтээһинэ, дьону-сэргэни кытта алтыһыыта, төрөөбүт айылҕатын кэрэтэ, олох туһунан толкуйдара чаҕылхайдык көстөллөр. Георгий Николаевич 41 сыл устата үлэлээбит идэтигэр анаабыт чэпчэки, өйдөнүмтүө, айымньылаах тылынан суруллубут хоһооннорун ааҕан хас биирдии биир идэлээҕэ чугастык ылынна. Георгий Николаевиһы 65 сааһынан уонна саҥа кинигэтэ сүрэхтэммитинэн истиҥник эҕэрдэлиибит!