Хаһаайына суох ыттары иитиигэ Афанасий Осипов аатынан оскуолаҕа ыытыллыбыт кылаас чааһа
Хаһаайына суох ыттары иитиигэ Афанасий Осипов аатынан оскуолаҕа ыытыллыбыт кылаас чааһа Алтынньы ый 12 күнүгэр, хаһаайына суох кыыллар ыйынньыктарын чэрчитинэн, Бэрдьигэстээх нэһилиэгин баһылыгын солбуйааччы Ксения Васильева уонна инспектор Николай Федоров Афанасий Осипов аатынан оскуола 6-с кылааһын үөрэнээччилэригэр ыты сөпкө иитии туһунан анал кылаас чааһын ыыттылар. Бу көрсүһүүгэ оҕолорго ыттары хайдах сөпкө көрөр-истэр, иитэр, кинилэри үөрэтэр туһунан сиһилии кэпсээтилэр. Ыт киһиэхэ саамай бэриниилээх доҕор буоларын, ол эрээри киниэхэ болҕомто, таптал, тутулуга суох бэйэҕэ ирдэбил, ытыктабыл уонна бэрээдэк наадатын тоһоҕолоон бэлиэтээтилэр. Кылаас чаас устата оҕолор ыйытыы биэрдилэр, ыттары иитиигэ, кинилэри кытта алтыһыыга сыһыаннаах кэпсэтиилэр ыытылыннылар. Үөрэнээччилэр дьиэ кыылларыгар эппиэтинэстээх буоларга, кинилэри харыстыырга уонна кинилэр олохторун тупсарарга наадалаах диэн түмүккэ кэллилэр.