Йөкле хатын-кызлар көнендә – булачак әниләр өчен җылы очрашу
Йөкле хатын-кызлар көнендә – булачак әниләр өчен җылы очрашу 7 октябрь – Йөкле хатын-кызлар көне. Шул уңайдан Актаныш районы ЗАГС бүлегенең Тантаналар залында булачак әниләр өчен матур һәм эчтәлекле очрашу узды. Анда йөкле хатын-кызларга кирәкле киңәшләр һәм бала тугач кирәк булачак документлар, туу турындагы таныклыкны алу буенча аңлатмалар бирелде. Чарада районның булачак әниләре, район башкарма комитеты җитәкчесенең социаль мәсьәләләр буенча урынбасары Дилбәр Әнвәрова, Яңа Кормаш авылыннан Риназ хәзрәт, район үзәк хастаханәсенең акушер-гинекологы Рөстәм Закирҗанов, Игелек үзәге психологы Эльвира Хәмидуллина һәм район ЗАГС бүлеге җитәкчесе Гөлфинә Мөхәммәдиева катнашты. #крепкаясемья #татарстансемья #казаньсемья #крепкаясемьятатарстан #загстатарстан #загсытатарстана #семьитатарстана