💐 КЫҺЫЛ КӨМҮС СЫБААЙБА — 19 августа 2026 г. в 02:06:00.826
💐 КЫҺЫЛ КӨМҮС СЫБААЙБА Октябрьскай нэһилиэкпит ытык ыала Петр Антипович уонна Евдокия Никифоровна эдэр сааска сүрэхтэрин холбообуттара бүгүн 50 сыллара. Бу үөрүүлээх күҥҥэ Ньурбаҕа ЗАГС дьиэтигэр Федоровтарга "Семейная доблесть" республика бэлиэтэ туттарылынна, кыһыл көмүс кинигэҕэ киирдилэр. Олус долгутуулаах түгэҥҥэ Федоровтары нэһилиэк, улуус дьаһалталарыттан, аймахтара, бииргэ үөрэммиттэрэ, коллегалара эҕэрдэлээтилэр. Үйэлээх таптал туһунан ырыалар ылланнылар, истиҥ тыллар этилиннилэр. Петр Антипович 43 сыл Ньурбатааҕы авиацияҕа инженер-механигынан үлэлээбитэ. Кини РФ үлэтин, СР авиациятын ветерана, СР авиациятын бочуоттаах үлэһитэ. Евдокия Никифоровна 38 сыл стажтааҕыттан 21 сыл гос уонна мун сулууспаҕа анаабыта, үлэ, муниципальнай сулууспа ветерана, Октябрьскай нэһилиэк бочуоттаах олохтооҕо. Биир интэриэһинэйэ Федоровтар Антоновка оскуолатыгар бастакы кылаастан бүтэриэхтэригэр диэри бииргэ үөрэммиттэрэ. Үс оҕолоохтор, уон сиэннээхтэр, биир хос сиэннээхтэр. Үлэни өрө тутан кэлбит ытыктанар, холобурга сылдьар дьиэ кэргэни Федоровтары эҕэрдэлиибит! Бары үчүгэйи, чөл туругу, истиҥ сыһыаны! @oktyabrskiy_nas