🌿Бэс ыйын 19 күнүгэр Саха сиригэр сири олохтооһун 260 сылын үбүлүөйүн чэрчитинэн ыытыл... — 19 июня 2026 г. в 14:15:44.835
🌿Бэс ыйын 19 күнүгэр Саха сиригэр сири олохтооһун 260 сылын үбүлүөйүн чэрчитинэн ыытыллар Горнай улууһун сир сыһыаннаһыытын үлэһиттэрин, бэтэрээннэрин Үрүҥ Тунах ыһыаҕа тэрилиннэ. 🌿И.Е.Варламов аатынан Мытаах Сынньалаҥын киинэ ыһыах сүрүн чааһын тэрийэн ыытта. Кулууп директорын эбээһинэһин толорооччу Сайыына Егорова, уус-уран салайааччы Андрей Андреев, ырыаһыт Ньургун Софронов бары бииргэ түмсэн ыыттылар. 🌿Үөрүүнү үллэстэ улуус салайааччылара, элбэх ыалдьыт, сир сыһыаннаһыыларыгар араас сылларга үлэлээбит специалистар, бэтэрээннэр, биир дойдулаахтарбыт кэлэн ыһыах таһымын үрдэттилэр. 🌿Ыһыах сиэрин — туомун Кировскай Сынньалаҥын киинин уус- уран салайааччыта Айтал Винокуров толордо, түһүлгэни арчылаата. Ыһыах эҕэрдэлээх чааһын култуура уонна духуобунай сайдыы управлениетын салайааччыта Вероника Быганова ыытта. 🌿Ыһыах сүрүн күөн-күрэһинэн буолла- Саха таҥаһын түһүлгэтэ. Саха таҥаһын күрэҕэр управление салайааччытын солбуйааччы Софья Алексеева үлэлэстэ. Саха сирин үтүөлээх этээччитэ, Ил Дархан стипендиата Дарья Алексеева, Айтал Винокуров оһуохай түһүлгэтин төрүттээтилэр. 🌿Ыһыах аһыллыытын сиэригэр — туомугар Семен уонна Софрон Даниловтар ааттарынан Духуобунас киин иһинэн үлэлиир Ульяна Петровна Кириллина салайар "Түһүлгэ" үҥкүү ансаамбыла кытынна. 🌿Бары кыттыбыт дьоммутугар управление аатыттан дириҥ махталбытын тиэрдэбит. #Горнайулуус95сыла