🔹 Саха сирин уһулуччулаах дьоммут үбүлүөйдэригэр бэлэмнэнии саҕаланна!

🔹 Саха сирин уһулуччулаах дьоммут үбүлүөйдэригэр бэлэмнэнии саҕаланна! 🔹Бэс ыйын 24 күнүгэр, Дьокуускай куоракка Саха Өрөспүүбүлүкэтин Наукаларын академиятыгар сүбэ- мунньах буолан ааста. Тэрээһиҥҥэ саха норуотун духуобунаһын сайдыытыгар сүҥкэн кылааттарын киллэрбит киэн туттар биир дойдулаахтарбыт: Семен Петрович Данилов – СӨ норуодунай поэта төрөөбүтэ 110, Софрон Петрович Данилов – СӨ норуодунай суруйааччыта төрөөбүтэ 105, Афанасий Николаевич Осипов – ССРС норуодунай худуоһунньуга, СӨ Академияларын духуобунаска академига төрөөбүтэ 100 үбүлүөйдээх сылларын көрсө ыытыллыахтаах тэрээһиннэри торумнаатылар. ✅Горнай улууһун баһылыга Никита Андреев эҕэрдэ тыл эттэ. ✅Мытах нэһилиэгин баһылыга Иван Петров 2027-2028 сылларга күүтүллэр үбүлүөйдээх дааталары билиһиннэрдэ. ✅Горнай улууһун баһылыгын бастакы солбуйааччы Сардаана Стручкова юбилейдаах тэрээһиннэр сүрүн бырайыактарын туһунан сиһилии иһитиннэрдэ. ✅Кэпсэтии түмүгүнэн, тэрээһиннэр былааннара ырытылынна уонна инники соруктар чопчуланнылар.