Горнай
Горнай улууһа төрүттэммитэ “Уруйдан төрүт дойдум Горнай” Үрүҥ тунах ыһыаҥын чэрчитинэн «Оһуокай оонньуулаах түһүлгэтэ!» оһуохайдьыттар күөн-күрэстэрин Маҥаны, Кировскай Сынньалаҥ кииннэрин айар коллектива бэрт сэргэхтик тэрийэн ыыттылар. Үбүлүөйдээх оһуокай күрэһэ 29 кыттааччылаах ыытылынна. Ол иһигэр 15 оҥо, 6 ыччат, 6 улахан дьон Амма, Үөһээ Бүлүү, Горнай улуустарыттан кытыннылар. кыайыылаахтарынан ааттаннылар: Туйгууна Павлова, Таисия Максимова, Сарыал Неустроев. Ыччаттарга - Амма Эмиһиттэн сылдьар Игорь Захаров, Үөһээ Бүлүү Маҥаас нэһилиэгиттэн Марфа Степанова, Бэрдьигэстээхтэн Анна Слепцова кыайыылаҥынан буоллулар. Улахан дьоҥҥо быйылгы оһуохай күрэһигэр кыайыыны ситистилэр оһуохайдьыттар Михаил Степанов, Дария Алексеева, Петр Ситвцев. Күрэс түмүгэр Рожин Эрсан “Оһуокай эрэлэ”, Күн Дьөһөгөй Мичийэ Куо “Оһуокай Кэскилэ”, Александра Оленова “Тойуктаах этээччи”, Екатерина Александрова “Чобуо этээччи”, Витя Эверстов “Дьоһуннаах этээччи”, Юнна Стручкова “Хомоҥой хоһоонноох этээччи”, Алексей Александров “Уһун тыыннаах этээччи” анал ааттары ыллылар.