♥️👩❤️👨👫Бэрдьигэстээххэ Дьиэ кэргэн, таптал уонна бэриниилээх буолуу күнүгэр анамм... — 8 июля 2026 г. в 06:20:14.548
♥️👩❤️👨👫Бэрдьигэстээххэ Дьиэ кэргэн, таптал уонна бэриниилээх буолуу күнүгэр анаммыт үөрүүлээх тэрээһин ыытылынна От ыйын 7 күнүгэр Эйэ скверыгар Бүтүн Арассыыйа үрдүнэн бэлиэтэнэр дьиэ-кэргэҥҥэ таптал уонна бэриниилээх буолуу күнүгэр анаан үөрүүлээх тэрээһин буолла. Тэрээһини лааҕыр оҕолоро ырыанан арыйдылар. СӨ ыччат дьыалаларыгар уонна социальнай коммуникацияларын миниистирэ Петр Шамаев мустубут дьону эҕэрдэлээн туран улууспут бастыҥ дьиэ кэргэттэригэр наҕараадалары туттартаата. Арассыыйа Федерациятыгар Дьиэ кэргэн, таптал уонна бэриниилээх буолуу күнүн тэрийэр кэмитиэт Бочуотунай грамотатынан Маҥаны нэһилиэгиттэн Зоя Семеновна уонна Петр Егорович Степановтар наҕараадаланнылар. СӨ Баһылыгын Махтал суруга туттарылынна: -Саргылана Семеновна, Егор Васильевич Старостиннарга -Вере Альбертовна, Степан Юрьевич Колесовтарга -Марина Иннокентьевна и Иннокентий Анатольевич Дашинимаевтарга -Заровняева Анастасия Ивановнаҕа, Горнайдааҕы кииннэммит библиотечнай ситим кылаабынай библиограбыгар СӨ Правительствотын бэрэссэдээтэлин солбуйааччы махтал суругунан Винтоняк Елена Александровна М.Е. Тимофеев аатынан Бэрдьигэстээх кыраайы үөрэтэр түмэл директора наҕараадаланна. «Сыл бастыҥ дьиэ кэргэнэ-2026» өрөспүүбүлүкэтээҕи күрэскэ «Аҕа дойдуну көмүскээччи дьиэ кэргэнэ» номинацияҕа кыттыы иһин сэртипикээт Александра Константиновна, Василий Андреевич Васильевтарга туттарылынна. «Сыл бастыҥ дьиэ кэргэнэ-2026» өрөспүүбүлүкэтээҕи күрэскэ «Тыа сирин дьиэ кэргэнэ» номинацияҕа кыттыы иһин сэртипикээт Прокопий Прокопьевич, Мария Дмитриевна Яковлевтарга туттарылынна «Сыл бастыҥ дьиэ кэргэнэ-2026» өрөспүүбүлүкэтээҕи күрэскэ «Эдэр дьиэ кэргэн»» номинацияҕа кыттыы иһин сэртипикээт Альберт Анатольевич, Элеонора Петровна Аввакумовтарга туттарылынна Улуус баһылыгын бастакы солбуйаачы Сардаана Степановна Стручкова эҕэрдэлээн туран улуус баһылыгын Бочуоттаах грамотатын Семенов Мичил Николаевичка анал байыаннай дьайыы кыттыылаҕар туттарда. Бу кэрэ бэлиэ тэрээһини киэргэттилэр өрөспүүбүлүкэтээҕи, улуустааҕы күрэхтэр кыайыылаахтара Ефремовтар дьиэ-кэргэн хомусчуттарын ансаамбыла, 2019 сыллаахха Арассыыйатааҕы «Сыл дьиэ кэргэнэ» куонкурус чэрчитинэн ыытыллыбыт өрөспүүбүлүкэтээҕи «Тыа ыала» күрэх кыайыылаахтара, Маҥаны нэһилиэгиттэн алта оҕолоох Ксения, Алексей Вензеллэр дьиэ кэргэттэрэ. Оҕо бибилэтиэкэтэ, П.Д. Аввакумов аатынан киин библэтиэкэ «Ромашковое настроение» оҕолорго маастар-кылааһы «Дьиэ кэргэн олох төрдө» лааҕыр оҕолоругар оонньуу-биктэриинэни ыыттылар. Дьиэ кэргэттэр хаартыскаларын, уруһуйдарын быыстапкатын «Движение первых” филиала оҥордо. М.Е. Тимофеев аатынан Бэрдьигэстээх кыраайы үөрэтэр түмэл «Школа полезных наук» бэсиэдэ-уруогу тэрийдилэр. «АниматорЛэнд» агентство оҕолорго пеннай аралдьытар бырагырааманы оҥордо. Сибэккиттэн хартыынаны оҥорууга Марфа Крылатова маастар-кылааһыгар 7 киһи сырытта. Култуура уонна духуобунай сайдыы управлениета 📸Виктор Семенов