💐👏🏻Августина Николаевна Филиппова төрөөбүт күнэ.

💐👏🏻Августина Николаевна Филиппова төрөөбүт күнэ. 🔹Бүгүн киэн туттар биир дойдулаахпыт, биллиилээх худуоһунньук-модельер, М.К. Аммосов аатынан ХИФУ үөрэтэр-айар лабораториятын сэбиэдиссэйэ, РФ худуоһунньуктарын Сойууһун чилиэнэ, СӨ култууратын үтүөлээх үлэһитэ, “Хотугу сулус” уордьан кавалера, Горнай уонна Амма улуустарын Бочуоттаах олохтооҕо Августина Николаевна Филиппова төрөөбүт күнэ. 🔹Кини айымньылара ураты тыыннаахтар, көстүүмнэрэ хатыламмат кэрэлэр. Августина Николаевна «Удаҕан», «Маҥан кыталык», «Туос оҕото», «Улар», «Хотугу принцесса», «Туйаарыма» моделлара, «Эллэйаада», «Саха сирин номохторо», «Саха сирин алмаастара» о.д.а. коллекциялара аан дойду муодатын төрүттээччилэри кытары сөхтөрөр. Кини төрөөбүт Сахатын сирин айылҕатын күүһэ-күдэҕэ «Олоҥхо стиллээх фэнтэзи» коллекциятыгар ойууламмыт. Оттон «Айыы Куо», «Туйаарыма Куо», «Чысхаан», «Чолбон», «Кыыс Амма» "Маатта" моделлара ураты алыптыыр күүстээхтэр. 🔹Августина Николаевна А.С. Пушкин остуоруйатынан «У Лукоморья» айар үлэтин философскай өйдөбүлүнэн уонна бэйэтэ уратытык арыйыытынан оҥоһуллубут коллекцията киэҥ сэҥээрини ылла. 🔹Августина Филиппова айбыт хас биирдии үлэтэ – ускуустуба сүдү айымньытынан буолар ♥️🌸🌺🌼Августина Николаевнаҕа чэгиэн доруобуйаны, айымньылаах үлэни, этэҥҥэ буолууну баҕарабыт!