✨🌱🍀🌿😍 Сайыҥҥы фольклорнай чэбдигирдэр лааҕыр: Күннэтэ саҥа сонун тэрээһиннэр! — 14 августа 2026 г. в 06:21:12.968
✨🌱🍀🌿😍 Сайыҥҥы фольклорнай чэбдигирдэр лааҕыр: Күннэтэ саҥа сонун тэрээһиннэр! Билигин сайыҥҥы фольклорнай чэбдигирдэр лааҕырга оҕолор күннэтэ саҥа сонун тэрээһиннэри кытта билсэллэр! Хас биирдии күн – арыллыы, үөрэнии, үөрүү-көтүү! Оҕолор өбүгэлэрбит оонньууларынан күрэхтэстилэр, атырдьах ыйын 8 күнүгэр "Олоҥхо кэскилэ" уһуйаан иитээччилэрэ: Азалия Григорьевна, Саргылана Ивановна, Анна Ильинична буолан саха норуодунай инструменнарын оҕолорго билиһиннэрдилэр, оонньоттулар уонна киэһэтин "Олоҥхо дойдутун устун" сахалыы квест-оонньуу ыыттылар. Бу ый 13 күнүгэр ситиини хатарарга маастар-кылаастарга кыттыстылар, маастар-кылааһы Горнай улууһун норуот маастара Павлова Надежда Семеновна ыытта. Күннэтэ оҕолор сибиэһэй салгыҥҥа, айылҕаҕа тахсан сир аһын, эмтээх от-мас хомуйан чэбдигирэллэр. Чемезовтар "Быйаҥнаах" турбазаларыгар ньирэй көрөллөр, аһаталлар. Инники күҥҥэ эмиэ интэриэһинэй тэрээһиннэр былааннаналлар: от-мас үүнээйилэрин үөрэтиигэ экскурсия, олоҥхону дьүһүйэн көрдөрүү уонна сахалыы минньигэс астары бэлэмнээһин. Ол курдук, атырдьах ыйын 14 күнүгэр оһуохай дорҕоонноох тылларыгар кутуллан маастар кылааска сылдьаллара былааннанар. Маастар-кылааһы СӨ Дархан этээччитэ Прокопий Федоров тэрийэн ыытар. Лааҕыр оҕолору төрүт култуураҕа сыһыаран, чэбдик салгыҥҥа сынньатан, үйэлээх үгэстэргэ үөрэтэн, дойдуларын таптыырга иитэр. Хас биирдии күн – сахалыы тыыннаах саҥа дьоруой буоларга арыллыы!