Атамай оҕолоро федеральнай экспертэри көрсөллөр

Атамай оҕолоро федеральнай экспертэри көрсөллөр 📊📈Атырдьах ыйын 29 күнүгэр В.Д.Лонгинов аатынан Атамай агрооскуолатын бизнес-былаһааккатыгар Перьм куораттан Тимченко фондатын оператора Наталья Шетцель уонна Саха сирин Единай ресурснай киинин координатора Надежда Ноговицына ыалдьыттаатылар. ✨Оҕолор тэрээһини саҕаланыаҕыттан бэйэлэрэ ыытан, тэрийэн, ыалдьыттарга үлэлэрин-хамнастарын сиһилии, ирэ-хоро кэпсээн ыалдьыттар сөҕөн-махтайан бардылар. 🍒🍦"Среда возможностей" оҕо бизнес былаһаакката Атамайга үһүс сылын Тимченко фондатын үс төгүллээх өйөбүлүнэн тэриллэр. Үс сыл иһигэр былаһааккаҕа оҕолор 32 бизнес бырайыагы ситиһиилээхтик олоххо киллэрдилэр. ✍️Татьяна Павлова, бырайыак салайааччыта "Үлэ күүһэ" сонуннара