✨РФ Бэрэсидьиэнин Ыйааҕынан Андрей Саввич Борисовка РФ Үлэҕэ Дьоруойа аат иҥэрилиннэ.

✨РФ Бэрэсидьиэнин Ыйааҕынан Андрей Саввич Борисовка РФ Үлэҕэ Дьоруойа аат иҥэрилиннэ.   🌟Арассыыйа норуотун артыыһыгар, ССРС уонна Арассыыйа Судаарыстыбаннай бириэмийэлэрин лауреатыгар, “Көмүс мааска” хаһаайыныгар, өрөспүүбүлүкэ Бочуоттаах олохтооҕор Андрей Саввич Борисовка Үлэ Дьоруойа үрдүк аат иҥэриллибитинэн эҕэрдэлиибит! Кини Саха сирин култууратын уонна духуобунай сайдыытын министиэристибэтин салайбыта, Арктикатааҕы култуура уонна ускуустуба судаарыстыбаннай институтун олохтообута, Олоҥхо тыйаатырын тэрийбитэ.  ЮНЕСКО олоҥхону билиниитэ уонна саха кинематографиятын атаҕар туруута кини аатын кытта ситимнээх. Уһулуччулаах режиссер, тус театральнай оскуоланы төрүттээбитэ уонна хас даҕаны көлүөнэ артыыстарын уһуйааччы. Күн бүгүн Андрей Саввич Арктикатааҕы эпос уонна ускуустуба киинин салайар.Бу киин улуустардааҕы Олоҥхо дьиэлэрин ситимин түмэн үлэлиэҕэ. Семен уонна Софрон Даниловтар ааттарынан Духуобунас киинин-Олоҥхо дьиэтэ, култуурабыт тэрилтэлэрэ айбыт бастыҥ үлэлэрэ, кэрэхсэбиллээх  тэрээһиннэрэ бу кииҥҥэ кэлэн көрдөрүллэр, сыаналанар, тарҕатыллар буолуохтара. 📸2023с. Андрей Саввич Борисов А.Н.Осипов аатынан Бэрдьигэстээх оскуолатыгар ССРС норуодунай худуоһунньуга А.Н.Осипов 95 сылыгар бюһун арыллыытын тэрээһинигэр кыттыбыта