#ЕвангелиеДня — 28 июня 2026 г. в 03:00:03.371
#ЕвангелиеДня Вшéдшу же емý въ капернаýмъ, приступи́ къ немý сóтникъ, моля́ егó и глагóля: Гóсподи, óтрокъ мóй лежи́тъ въ домý разслáбленъ, лю́тѣ страждá. И глагóла емý Иисýсъ: áзъ пришéдъ исцѣлю́ егó. И отвѣщáвъ сóтникъ, речé емý: Гóсподи, нѣ́смь достóинъ, да подъ крóвъ мóй вни́деши: но тóкмо рцы́ слóво, и исцѣлѣ́етъ óтрокъ мóй: и́бо áзъ человѣ́къ éсмь подъ влáстiю, имы́й подъ собóю вóины: и глагóлю семý: иди́, и и́детъ: и другóму: прiиди́, и прихóдитъ: и рабý моемý: сотвори́ сié, и сотвори́тъ. Слы́шавъ же Иисýсъ, удиви́ся, и речé грядýщымъ по нéмъ: ами́нь глагóлю вáмъ: ни во Изрáили толи́ки вѣ́ры обрѣтóхъ. Глагóлю же вáмъ, я́ко мнóзи от востóкъ и зáпадъ прiи́дутъ и возля́гутъ со Авраáмомъ и Исаáкомъ и Иáковомъ во цáрствiи небéснѣмъ: сы́нове же цáрствiя изгнáни бýдутъ во тмý кромѣ́шнюю: тý бýдетъ плáчь и скрéжетъ зубóмъ. И речé Иисýсъ сóтнику: иди́, и я́коже вѣ́ровалъ еси́, бýди тебѣ́. И исцѣлѣ́ óтрокъ егó въ тóй чáсъ. От Матфея святое благовествование, глава 8:5-13 Верим. Действуем! Екатеринбургская епархия ✍️