#ЕвангелиеДня — 28 июля 2026 г. в 03:00:04.152
#ЕвангелиеДня Ами́нь, ами́нь глагóлю вáмъ: не входя́й двéрьми во двóръ óвчiй, но прелáзя и́нудѣ, тóй тáть éсть и разбóйникъ: а входя́й двéрьми пáстырь éсть овцáмъ: семý двéрникъ отверзáетъ, и óвцы глáсъ егó слы́шатъ, и своя́ óвцы глашáетъ по и́мени, и изгóнитъ и́хъ: и егдá своя́ óвцы ижденéтъ, предъ ни́ми хóдитъ: и óвцы по нéмъ и́дутъ, я́ко вѣ́дятъ глáсъ егó: по чуждéмъ же не и́дутъ, но бѣжáтъ от негó, я́ко не знáютъ чуждáго глáса. Сiю́ при́тчу речé и́мъ Иисýсъ: они́ же не разумѣ́ша, чтó бя́ше, я́же глагóлаше и́мъ. Речé же пáки и́мъ Иисýсъ: ами́нь, ами́нь глагóлю вáмъ, я́ко áзъ éсмь двéрь овцáмъ. Вси́, ели́ко и́хъ прiи́де прéжде менé, тáтiе сýть и разбóйницы: но не послýшаша и́хъ óвцы. А́зъ éсмь двéрь: мнóю áще ктó вни́детъ, спасéтся: и вни́детъ и изы́детъ, и пáжить обря́щетъ От Иоанна святое благовествование, глава 10:1-9