#ЕвангелиеДня — 2 августа 2026 г. в 03:00:04.663
#ЕвангелиеДня И áбiе понýди Иисýсъ ученики́ своя́ влѣ́зти въ корáбль и вари́ти егó на óномъ полý, дóндеже отпýститъ нарóды. И отпусти́въ нарóды, взы́де на горý еди́нъ помоли́тися: пóздѣ же бы́вшу, еди́нъ бѣ́ тý. Корáбль же бѣ́ посредѣ́ мóря влáяся волнáми: бѣ́ бо проти́венъ вѣ́тръ. Въ четвéртую же стрáжу нóщи и́де къ ни́мъ Иисýсъ, ходя́ по мóрю. И ви́дѣвше егó ученицы́ по мóрю ходя́ща, смути́шася, глагóлюще, я́ко призрáкъ éсть: и от стрáха возопи́ша. А́бiе же речé и́мъ Иисýсъ, глагóля: дерзáйте: áзъ éсмь, не бóйтеся. Отвѣщáвъ же пéтръ речé: Гóсподи, áще ты́ еси́, повели́ ми прiити́ къ тебѣ́ по водáмъ. О́нъ же речé: прiиди́. И излѣ́зъ изъ корабля́ пéтръ, хождáше по водáмъ, прiити́ ко Иисýсови: ви́дя же вѣ́тръ крѣ́покъ, убоя́ся, и начéнъ утопáти, возопи́, глагóля: Гóсподи, спаси́ мя. И áбiе Иисýсъ простéръ рýку, я́тъ егó и глагóла емý: маловѣ́ре, почтó усумнѣ́лся еси́? И влѣ́зшема и́ма въ корáбль, престá вѣ́тръ. Сýщiи же въ корабли́ пришéдше поклони́шася емý, глагóлюще: вои́стинну Бóжiй Сы́нъ еси́. И прешéдше прiидóша въ зéмлю геннисарéѳскую. От Матфея святое благовествование, глава 14:22-34