#ЕвангелиеДня — 26 августа 2026 г. в 03:00:03.372
#ЕвангелиеДня И прiидóша въ дóмъ: и собрáся пáки нарóдъ, я́ко не мощи́ и́мъ ни хлѣ́ба я́сти. И слы́шавше и́же бя́ху у негó, изыдóша, да и́мутъ егó: глагóлаху бо, я́ко неи́стовъ éсть. И кни́жницы, и́же от Иерусали́ма низшéдшiи, глагóлаху, я́ко веельзевýла и́мать и я́ко о кня́зи бѣсóвстѣмъ изгóнитъ бѣ́сы. И призвáвъ и́хъ, въ при́тчахъ глагóлаше и́мъ: кáко мóжетъ сатанá сатанý изгони́ти? И áще цáрство на ся́ раздѣли́тся, не мóжетъ стáти цáрство тó: и áще дóмъ на ся́ раздѣли́тся, не мóжетъ стáти дóмъ тóй: и áще сатáна востá на ся́ сáмъ и раздѣли́ся, не мóжетъ стáти, но конéцъ и́мать. Никтóже мóжетъ сосýды крѣ́пкаго, вшéдъ въ дóмъ егó, расхи́тити, áще не пéрвѣе крѣ́пкаго свя́жетъ: и тогдá дóмъ егó расхи́титъ. Новый Завет, от Марка святое благовествование, глава 3, 20:27