#ЕвангелиеДня — 1 сентября 2026 г. в 03:00:02.300
#ЕвангелиеДня И глагóлаше и́мъ: блюди́те чтó слы́шите: въ ню́же мѣ́ру мѣ́рите, возмѣ́рится вáмъ, и приложи́тся вáмъ слы́шащымъ: и́же бо áще и́мать, дáстся емý: а и́же не и́мать, и éже и́мать, отъи́мется от негó. И глагóлаше: тáко éсть и цáрствiе Бóжiе, я́коже человѣ́къ вметáетъ сѣ́мя въ зéмлю, и спи́тъ, и востаéтъ нóщiю и днíю: и сѣ́мя прозябáетъ и растéтъ, я́коже не вѣ́сть óнъ: от себé бо земля́ плоди́тъ прéжде травý, потóмъ клáсъ, тáже исполня́етъ пшени́цу въ клáсѣ: егдá же созрѣ́етъ плóдъ, áбiе пóслетъ сéрпъ, я́ко настá жáтва. И глагóлаше: чесомý уподóбимъ цáрствiе Бóжiе? или́ кóей при́тчи приложи́мъ é? я́ко зéрно горýшично, éже егдá всѣ́яно бýдетъ въ земли́, мнѣ́е всѣ́хъ сѣ́менъ éсть земны́хъ: и егдá всѣ́яно бýдетъ, возрастáетъ, и бывáетъ бóлѣе всѣ́хъ зéлiй, и твори́тъ вѣ́тви вéлiя, я́ко мощи́ подъ сѣ́нiю егó пти́цамъ небéснымъ витáти. И таковы́ми при́тчами мнóгими глагóлаше и́мъ слóво, я́коже можáху слы́шати. Безъ при́тчи же не глагóлаше и́мъ словесé: осóбь же ученикóмъ свои́мъ сказáше вся́. Новый Завет, от Марка святое благовествование, глава 4, 24-34