#ЕвангелиеДня — 5 сентября 2026 г. в 03:00:03.007
#ЕвангелиеДня Тогдá Иисýсъ глагóла къ нарóдомъ и ученикóмъ свои́мъ, глагóля: на Моисéовѣ сѣдáлищи сѣдóша кни́жницы и фарисéе: вся́ ýбо, ели́ка áще рекýтъ вáмъ блюсти́, соблюдáйте и твори́те: по дѣлóмъ же и́хъ не твори́те: глагóлютъ бо, и не творя́тъ: связýютъ бо бременá тя́жка и бѣ́днѣ носи́ма, и возлагáютъ на плещá человѣ́ческа, пéрстомъ же свои́мъ не хотя́тъ дви́гнути и́хъ. Вся́ же дѣлá своя́ творя́тъ, да ви́дими бýдутъ человѣ́ки: разширя́ютъ же храни́лища своя́ и величáютъ воскри́лiя ри́зъ свои́хъ: лю́бятъ же преждевозлегáнiя на вéчеряхъ, и преждесѣдáнiя на сóнмищихъ, и цѣловáнiя на тóржищихъ, и звáтися от человѣ́къ: учи́телю, учи́телю. Вы́ же не нарицáйтеся учи́телiе: еди́нъ бо éсть вáшъ учи́тель, Христóсъ: вси́ же вы́ брáтiя естé: и отцá не зови́те себѣ́ на земли́: еди́нъ бо éсть Отéцъ вáшъ, и́же на небесѣ́хъ: нижé нарицáйтеся настáвницы: еди́нъ бо éсть настáвникъ вáшъ, Христóсъ. Бóлiй же въ вáсъ да бýдетъ вáмъ слугá: и́же бо вознесéтся, смири́тся: и смиря́яйся вознесéтся. Новый Завет, от Матфея святое благовествование, глава 23:1-12 Верим. Действуем! Екатеринбургская епархия ✍️