#ЕвангелиеДня — 4 сентября 2026 г. в 03:00:02.403
#ЕвангелиеДня И сé, прiи́де еди́нъ от архисинагóгъ, и́менемъ Иаи́ръ, и ви́дѣвъ егó, падé при ногý егó и моля́ше егó мнóго, глагóля, я́ко дщи́ моя́ на кончи́нѣ éсть: да пришéдъ возложи́ши на ню́ рýцѣ, я́ко да спасéтся и живá бýдетъ. И и́де съ ни́мъ: и по нéмъ идя́ху нарóди мнóзи и угнетáху егó. Ещé емý глагóлющу, и прiидóша от архисинагóга, глагóлюще, я́ко дщи́ твоя́ ýмре: чтó ещé дви́жеши учи́теля? Иисýсъ же áбiе слы́шавъ слóво глагóлемое, глагóла архисинагóгови: не бóйся, тóкмо вѣ́руй. И не остáви по себѣ́ ни еди́наго ити́, тóкмо Петрá и Иáкова и Иоáнна брáта Иáковля. И прiи́де въ дóмъ архисинагóговъ и ви́дѣ молвý, плáчущыяся и кричáщыя мнóго. И вшéдъ глагóла и́мъ: чтó мóлвите и плáчетеся? отрокови́ца нѣ́сть умерлá, но спи́тъ. И ругáхуся емý. О́нъ же изгнáвъ вся́, поя́тъ отцá отрокови́цы и мáтерь, и и́же бѣ́ху съ ни́мъ, и вни́де, идѣ́же бѣ́ отрокови́ца лежáщи. И éмь за рýку отрокови́цу, глагóла éй: талиѳá кýми: éже éсть сказáемо: дѣви́це, тебѣ́ глагóлю, востáни. И áбiе востá дѣви́ца и хождáше: бѣ́ бо лѣ́тъ двоюнáдесяте. И ужасóшася ýжасомъ вéлiимъ. И запрети́ и́мъ мнóго, да никтóже увѣ́сть сегó, и речé: дади́те éй я́сти. И изы́де оттýду и прiи́де во отéчествiе своé: и по нéмъ идóша ученицы́ егó. Новый Завет, от Марка святое благовествование, глава 5:22-24, 35-6:1 Верим. Действуем! Екатеринбургская епархия ✍️