#ЕвангелиеДня — 18 сентября 2026 г. в 03:00:07.055
#ЕвангелиеДня Въ ты́я дни́, зѣлó мнóгу нарóду сýщу, и не имýщымъ чесó я́сти, призвáвъ Иисýсъ ученики́ своя́, глагóла и́мъ: милосéрдую о нарóдѣ, я́ко ужé три́ дни́ присѣдя́тъ мнѣ́ и не и́мутъ чесó я́сти: и áще отпущý и́хъ не я́дшихъ въ дóмы своя́, ослабѣ́ютъ на пути́: мнóзи бо от ни́хъ издалéча пришли́ сýть. И отвѣщáша емý ученицы́ егó: откýду си́хъ возмóжетъ ктó здѣ́ насы́тити хлѣ́бы въ пусты́ни? И вопроси́ и́хъ: коли́ко и́мате хлѣ́бовъ? Они́ же рѣ́ша: сéдмь. И повелѣ́ нарóду возлещи́ на земли́: и прiéмь сéдмь хлѣ́бовъ, хвалý воздáвъ, преломи́ и дая́ше ученикóмъ свои́мъ, да предлагáютъ: и предложи́ша предъ нарóдомъ. И имя́ху ры́бицъ мáло: и сiя́ благослови́въ, речé предложи́ти и ты́я. Ядóша же и насы́тишася: и взя́ша избы́тки укрýхъ, сéдмь кóшницъ. Бя́ху же я́дшихъ я́ко четы́ре ты́сящы. И отпусти́ и́хъ. И áбiе влѣ́зъ въ корáбль со ученики́ свои́ми, прiи́де во страны́ далмануѳáнски. Новый Завет, от Марка святое благовествование, глава 8:1-10 Верим. Действуем! Екатеринбургская епархия ✍️