#ЕвангелиеДня
#ЕвангелиеДня По си́хъ же яви́ Госпóдь и инѣ́хъ сéдмьдесятъ, и послá и́хъ по двѣмá предъ лицéмъ свои́мъ во вся́къ грáдъ и мѣ́сто, áможе хотя́ше сáмъ ити́: глагóлаше же къ ни́мъ: жáтва ýбо мнóга, дѣ́лателей же мáло: моли́теся ýбо Гóсподи́ну жáтвѣ, да изведéтъ дѣ́латели на жáтву свою́. Иди́те: сé áзъ посылáю вы́ я́ко áгнцы посредѣ́ волкóвъ. Не носи́те влагáлища, ни пи́ры, ни сапóгъ и ни когóже на пути́ цѣлýйте. Въ óнъ же áще дóмъ вни́дете, пéрвѣе глагóлите: ми́ръ дóму семý: и áще ýбо бýдетъ тý сы́нъ ми́ра, почíетъ на нéмъ ми́ръ вáшъ: áще ли же ни́, къ вáмъ возврати́тся. Въ тóмъ же домý пребывáйте, ядýще и пiю́ще, я́же сýть у ни́хъ: достóинъ бо éсть дѣ́латель мзды́ своея́: не преходи́те изъ дóму въ дóмъ. И въ óнъ же áще грáдъ вхóдите, и прiéмлютъ вы́, яди́те предлагáемая вáмъ: и исцѣли́те недýжныя, и́же сýть въ нéмъ, и глагóлите и́мъ: прибли́жися на вы́ цáрствiе Бóжiе. И въ óнъ же áще грáдъ вхóдите, и не прiéмлютъ вáсъ, изшéдше на распýтiя егó, рцы́те: и прáхъ прилѣ́пшiй нáмъ от грáда вáшего, оттрясáемъ вáмъ. Обáче сié вѣ́дите, я́ко прибли́жися на вы́ цáрствiе Бóжiе. Глагóлю вáмъ, я́ко Cодóмляномъ въ дéнь тóй отрáднѣе бýдетъ, нéже грáду томý. Гóре тебѣ́, хорази́не, гóре тебѣ́, Виѳсаи́до: я́ко áще въ ти́рѣ и Сидóнѣ бы́ша си́лы бы́ли бы́вшыя въ вáю, дрéвле ýбо во врéтищи и пéпелѣ сѣдя́ще покая́лися бы́ша: обáче ти́ру и Сидóну отрáднѣе бýдетъ на судѣ́, нéже вáма. И ты́, капернаýме, и́же до небéсъ вознесы́йся, до áда низведéшися. Новый Завет, от Луки святое благовествование, глава 10:1-15
Канал в каталоге Максиметера
1 157 подписчиков · Религия