Порядок чтений: Воскресенье, 27 сентября 2026 г. (14 сентября ст.ст.) — 26 сентября 2026 г. в 16:11:55.095
Порядок чтений: Воскресенье, 27 сентября 2026 г. (14 сентября ст.ст.) Неделя 17-я по Пятидесятнице Двунадесятый праздник Воздвижение Честного и Животворящего Креста Господня Вседневный праздник. Cовершается служба, не отмеченная в Типиконе никаким знаком Преставление свт. Иоанна Златоуста (407) Богослужебные указания для священно- и церковнослужителей Евангельские и Апостольские чтения На утрени Ин.12:28 Отче, прослави имя Твое. Прииде же глас с небесе: и прославих, и паки прославлю. Ин.12:29 Народ же стояй и слышав, глаголаху: гром бысть. Инии глаголаху: Ангел глагола Ему. Ин.12:30 Отвеща Иисус и рече: не Мене ради глас сей бысть, но народа ради: Ин.12:31 ныне суд есть миру сему: ныне князь мира сего изгнан будет вон: Ин.12:32 и аще Аз вознесен буду от земли, вся привлеку к Себе. Ин.12:33 Сие же глаголаше, назнаменуя, коею смертию хотяше умрети. Ин.12:34 Отвеща Ему народ: мы слышахом от закона, яко Христос пребывает во веки: како Ты глаголеши: вознестися подобает Сыну Человеческому? Кто есть Сей Сын Человеческий? Ин.12:35 Рече же им Иисус: еще мало время свет в вас есть: ходите, дондеже свет имате, да тма вас не имет: и ходяй во тме не весть, камо идет: Ин.12:36 дондеже свет имате, веруйте во свет, да сынове света будете. Сия глагола Иисус, и отшед скрыся от них. На литургии Чтение на праздник: Апостол 1Кор.1:18 Слово бо крестное погибающым убо юродство есть, а спасаемым нам сила Божия есть. 1Кор.1:19 Писано бо есть: погублю премудрость премудрых, и разум разумных отвергу. 1Кор.1:20 Где премудр? Где книжник? Где совопросник века сего? Не обуи ли Бог премудрость мира сего? 1Кор.1:21 Понеже бо в премудрости Божией не разуме мир премудростию Бога, благоизволил Бог буйстовм проповеди спасти верующих. 1Кор.1:22 Понеже и Иудее знамения просят, и Еллини премудрости ищут: 1Кор.1:23 мы же проповедуем Христа распята, Иудеем убо соблазн, Еллином же безумие, 1Кор.1:24 самем же званным Иудеем же и Еллином Христа, Божию силу и Божию премудрость: Евангелие Ин.19:6 Егда же видеша Его архиерее и слуги, возопиша глаголюще: распни, распни Его. Глагола им Пилат: поимите Его вы и распните, аз бо не обретаю в Нем вины. Ин.19:7 Отвещаша ему Иудее: мы закон имамы, и по закону нашему должен есть умрети, яко Себе Сына Божия сотвори. Ин.19:8 Егда убо слыша Пилат сие слово, паче убояся, Ин.19:9 и вниде в претор паки и глагола Иисусови: откуду еси Ты? Иисус же ответа не даде ему. Ин.19:10 Глагола же Ему Пилат: мне ли не глаголеши? Не веси ли, яко власть имам распяти Тя и власть имам пустити Тя? Ин.19:11 Отвеща Иисус: не имаши власти ни единыя на Мне, аще не бы ти дано свыше: сего ради предавый Мя тебе болий грех имать. Ин.19:13 Пилат убо слышав сие слово, изведе вон Иисуса и седе на судищи, на месте глаголемем Лифостротон, еврейски же Гаввафа. Ин.19:14 Бе же пяток Пасце, час же яко шестый. И глагола Иудеом: се, Царь ваш. Ин.19:15 Они же вопияху: возми, возми, распни Его. Глагола им Пилат: Царя ли вашего распну? Отвещаша архиерее: не имамы царя токмо кесаря. Ин.19:16 Тогда убо предаде Его им, да распнется. Поемше же Иисуса и ведоша: Ин.19:17 и нося крест Свой, изыде на глаголемое Лобное место, еже глаголется еврейски Голгофа, Ин.19:18 идеже пропяша Его и с Ним ина два сюду и сюду, посреде же Иисуса. Ин.19:19 Написа же и титла Пилат и положи на кресте. Бе же написано: Иисус Назорянин, Царь Иудейский. Ин.19:20 Сего же титла мнози чтоша от Иудей, яко близ бе место града, идеже пропяша Иисуса: и бе написано еврейски, гречески, римски. Ин.19:25 Стояху же при кресте Иисусове Мати Его и сестра Матере Его Мариа Клеопова и Мариа Магдалина. Ин.19:26 Иисус же видев Матерь и ученика стояща, егоже любляше, глагола Матери Своей: Жено, се, сын Твой. Ин.19:27 Потом глагола ученику: се, Мати твоя. И от того часа поят Ю ученик во своя си. Ин.19:28 Посем ведый Иисус, яко вся уже совершишася, да сбудется Писание, глагола: жажду. Ин.19:30 Егда же прият оцет Иисус, рече: совершишася. И преклонь главу, предаде дух. Ин.19:31 Иудее же, понеже пяток бе, да не останут на кресте т