Порядок чтений: Суббота, 2 мая 2026 г. (19 апреля ст.ст.) — 1 мая 2026 г. в 19:13:49.889
Порядок чтений: Суббота, 2 мая 2026 г. (19 апреля ст.ст.) Седмица 3-я по Пасхе Блж. Матроны Московской (1952) Прп. Иоанна Ветхопещерника (VIII) Богослужебные указания для священно- и церковнослужителей На русском in English На сегодня Евангельские и Апостольские чтения На литургии Апостол Деян.9:20 и абие на сонмищих проповедаше Иисуса, яко Сей есть Сын Божий. Деян.9:21 Дивляхуся же вси слышащии и глаголаху: не сей ли есть гонивый во Иерусалиме нарицающыя имя сие, и зде на сие прииде, да связаны тыя приведет ко архиереем? Деян.9:22 Савл же паче крепляшеся и смущаше Иудеи живущыя в Дамасце, препирая, яко Сей есть Христос. Деян.9:23 Якоже исполнишася дние доволни, совещаша Иудее убити его, Деян.9:24 уведан же бысть Савлу совет их: стрежаху же врат день и нощь, яко да убиют его: Деян.9:25 поемше же его ученицы нощию, свесиша по стене в кошнице. Деян.9:26 Пришед же Савл во Иерусалим, покушашеся прилеплятися учеником: и вси бояхуся его, не верующе, яко есть ученик. Деян.9:27 Варнава же приемь его, приведе ко Апостолом и поведа им, како на пути виде Господа, и яко глагола ему, и како в Дамасце дерзаше о имени Иисусове. Деян.9:28 И бяше с ними входя и исходя во Иерусалиме и дерзая о имени Господа Иисуса. Деян.9:29 Глаголаше же и стязашеся с Еллины: они же искаху убити его. Деян.9:30 Разумевше же братия, сведоша его в Кесарию и отпустиша его в Тарс. Деян.9:31 Церкви же по всей Иудеи и Галилеи и Самарии имеяху мир, созидающяся и ходящя в страсе Господни, и утешением Святаго Духа умножахуся. Евангелие Ин.15:17 Сия заповедаю вам, да любите друг друга. Ин.15:18 Аще мир вас ненавидит, ведите, яко Мене прежде вас возненавиде: Ин.15:19 аще от мира бысте были, мир убо свое любил бы: якоже от мира несте, но Аз избрах вы от мира, сего ради ненавидит вас мир. Ин.15:20 Поминайте слово, еже Аз рех вам: несть раб болий господа своего: аще Мене изгнаша, и вас изженут: аще слово Мое соблюдоша, и ваше соблюдут: Ин.15:21 но сия вся творят вам за имя Мое, яко не ведят Пославшаго Мя. Ин.15:22 Аще не бых пришел и глаголал им, греха не быша имели: ныне же вины не имут о гресе своем: Ин.15:23 ненавидяй Мене, и Отца Моего ненавидит: Ин.15:24 аще дел не бых сотворил в них, ихже ин никтоже сотвори, греха не быша имели: ныне же и видеша, и возненавидеша Мене и Отца Моего: Ин.15:25 но да сбудется слово, писанное в законе их, яко возненавидеша Мя туне. Ин.15:26 Егда же приидет Утешитель, Егоже Аз послю вам от Отца, Дух истины, Иже от Отца исходит, Той свидетелствует о Мне: Ин.15:27 и вы же свидетелствуете, яко искони со Мною есте. Ин.16:1 Сия глаголах вам, да не соблазнитеся. Ин.16:2 От сонмищ ижденут вы: но приидет час, да всяк, иже убиет вы, возмнится службу приносити Богу: