Порядок чтений: Понедельник, 27 апреля 2026 г. (14 апреля ст.ст.) — 26 апреля 2026 г. в 16:34:04.908
Порядок чтений: Понедельник, 27 апреля 2026 г. (14 апреля ст.ст.) Седмица 3-я по Пасхе Вседневный праздник. Cовершается служба, не отмеченная в Типиконе никаким знаком Свт. Мартина исп., папы Римского (655) Богослужебные указания для священно- и церковнослужителей Евангельские и Апостольские чтения На литургии Апостол Деян.6:8 Стефан же исполнь веры и силы творяше знамения и чудеса велия в людех. Деян.6:9 Восташа же нецыи от сонма глаголемаго Ливертинска и Киринейска и Александрска, и иже от Киликии и Асии, стязающеся со Стефаном: Деян.6:10 и не можаху противустати премудрости и Духу, Имже глаголаше. Деян.6:11 Тогда подустиша мужы глаголющыя, яко слышахом его глаголюща глаголы хульныя на Моисеа и на Бога. Деян.6:12 Сподвигоша же люди и старцы и книжники, и нападше восхитиша его и приведоша на сонмище, Деян.6:13 поставиша же свидетели ложны глаголющыя, яко человек сей не престает глаголы хульныя глаголя на место святое сие и закон: Деян.6:14 слышахом бо его глаголюща, яко Иисус Назорей сей разорит место сие и изменит обычаи, яже предаде нам Моисей. Деян.6:15 И воззревше нань вси седящии в сонмищи, видеша лице его яко лице Ангела. Деян.7:1 Рече же архиерей: аще убо сия тако суть? Деян.7:2 Он же рече: мужие братие и отцы, послушайте. Бог славы явися отцу нашему Аврааму сущу в Месопотамии, прежде даже не вселитися ему в Харрань, Деян.7:3 и рече к нему: изыди от земли твоея и от рода твоего и от дому отца твоего, и прииди в землю, юже аще ти покажу. Деян.7:4 Тогда изшед от земли Халдейския, вселися в Харрань: и оттуду, по умертвии отца его, пресели его в землю сию, на нейже вы ныне живете, Деян.7:5 и не даде ему наследия в ней, ниже стопы ногу: и обеща дати ему ю во одержание и семени его по нем, не сущу ему чаду. Евангелие Ин.4:46 Прииде же паки Иисус в Кану Галилейскую, идеже претвори воду в вино. И бе некий царев муж, егоже сын боляше в Капернауме. Ин.4:47 Сей слышав, яко Иисус прииде от Иудеи в Галилею, иде к Нему и моляше Его, да снидет и исцелит сына Его: имеяше бо умрети. Ин.4:48 Рече убо Иисус к нему: аще знамении и чудес не видите, не имате веровати. Ин.4:49 Глагола к Нему царев муж: Господи, сниди, прежде даже не умрет отроча мое. Ин.4:50 Глагола ему Иисус: иди, сын твой жив есть. И верова человек словеси, еже рече ему Иисус, и идяше. Ин.4:51 Абие же входящу ему, (се,) раби его сретоша его и возвестиша (ему), глаголюще, яко сын твой жив есть. Ин.4:52 Вопрошаше убо от них о часе, в который легчае ему бысть, и реша ему, яко вчера в час седмый остави его огнь. Ин.4:53 Разуме же отец, яко той бе час, в оньже рече ему Иисус, яко сын твой жив есть: и верова сам и весь дом его. Ин.4:54 Сие паки второе знамение сотвори Иисус, пришед от Иудеи в Галилею.