Порядок чтений: Пятница, 24 апреля 2026 г. (11 апреля ст.ст.) — 23 апреля 2026 г. в 18:53:33.995

Порядок чтений: Пятница, 24 апреля 2026 г. (11 апреля ст.ст.) Седмица 2-я по Пасхе Вседневный праздник. Cовершается служба, не отмеченная в Типиконе никаким знаком Сщмч. Антипы, еп. Пергама Асийского (ок. 68) Богослужебные указания для священно- и церковнослужителей Евангельские и Апостольские чтения На литургии Апостол Деян.5:1 Муж же некий, Ананиа именем, с Сапфирою женою своею, продаде село Деян.5:2 и утаи от цены, сведущей и жене его: и принес часть некую, пред ногами Апостол положи. Деян.5:3 Рече же Петр: Анание, почто исполни сатана сердце твое солгати Духу Святому и утаити от цены села? Деян.5:4 Сущее тебе не твое ли бе, и проданое не в твоей ли власти бяше? Что яко положил еси в сердцы твоем вещь сию? Не человеком солгал еси, но Богу. Деян.5:5 Слышав же Ананиа словеса сия, пад издше: и бысть страх велик на всех слышащих сия. Деян.5:6 Вставше же юноши взяша его и изнесше погребоша. Деян.5:7 Бысть же яко трием часом минувшым, и жена его не ведущи бывшаго вниде. Деян.5:8 Отвеща же ей Петр: рцы ми, аще на толице село отдаста? Она же рече: ей, на толице. Деян.5:9 Петр же рече к ней: что яко согласистася искусити Духа Господня? Се, ноги погребших мужа твоего при дверех, и изнесут тя. Деян.5:10 Паде же абие пред ногама его и издше: вшедше же юноши обретоша ю мертву и изнесше погребоша близ мужа ея. Деян.5:11 И бысть страх велик на всей церкви и на всех слышаших сия. Евангелие Ин.5:30 Не могу Аз о Себе творити ничесоже. Якоже слышу, сужду, и суд Мой праведен есть, яко не ищу воли Моея, но воли пославшаго Мя Отца. Ин.5:31 Аще Аз свидетелствую о Мне, свидетельство Мое несть истинно: Ин.5:32 ин есть свидетелствуяй о Мне, и вем, яко истинно есть свидетелство, еже свидетелствует о Мне: Ин.5:33 вы посласте ко Иоанну, и свидетелствова о истине. Ин.5:34 Аз же не от человека свидетелства приемлю, но сия глаголю, да вы спасени будете. Ин.5:35 Он бе светилник горя и светя: вы же восхотесте возрадоватися в час светения его. Ин.5:36 Аз же имам свидетелство более Иоаннова: дела бо, яже даде Мне Отец, да совершу я, та дела, яже Аз творю, свидетелствуют о Мне, яко Отец Мя посла. Ин.5:37 И пославый Мя Отец Сам свидетелствова о Мне. Ни гласа Его нигдеже слышасте, ни видения Его видесте, Ин.5:38 и словесе Его не имате пребывающа в вас, зане, Егоже Той посла, Сему вы веры не емлете. Ин.5:39 Испытайте Писаний, яко вы мните в них имети живот вечный: и та суть свидетелствующая о Мне. Ин.5:40 И не хощете приити ко Мне, да живот имате. Ин.5:41 Славы от человек не приемлю, Ин.5:42 но разумех вы, яко любве Божия не имате в себе. Ин.5:43 Аз приидох во имя Отца Моего, и не приемлете Мене: аще ин приидет во имя свое, того приемлете. Ин.5:44 Како вы можете веровати, славу друг от друга приемлюще, и славы, яже от Единаго Бога, не ищете? Ин.5:45 Не мните, яко Аз на вы реку ко Отцу: есть, иже на вы глаголет, Моисей, наньже вы уповаете. Ин.5:46 Аще бо бысте веровали Моисеови, веровали бысте (убо и) Мне: о Мне бо той писа. Ин.5:47 Аще ли того писанием не веруете, како Моим глаголголом веру имете? Ин.6:1 По сих иде Иисус на он пол моря Галилеи Тивериадска: Ин.6:2 и по Нем идяше народ мног, яко видяху знамения Его, яже творяше над недужными.