Порядок чтений: Среда, 22 апреля 2026 г. (9 апреля ст.ст.) — 21 апреля 2026 г. в 13:13:42.595
Порядок чтений: Среда, 22 апреля 2026 г. (9 апреля ст.ст.) Седмица 2-я по Пасхе Вседневный праздник. Cовершается служба, не отмеченная в Типиконе никаким знаком Мч. Евпсихия (362) Богослужебные указания для священно- и церковнослужителей Евангельские и Апостольские чтения На литургии Апостол Деян.4:13 Видяще же Петрово дерзновение и Иоанново и разумевше, яко человека некнижна еста и проста, дивляхуся, знаху же их, яко со Иисусом беста: Деян.4:14 видяще же исцелевшаго человека с нима стояща, ничтоже имяху противу рещи. Деян.4:15 Повелевше же има вон из сонмища изыти, стязахуся друг со другом, Деян.4:16 глаголюще: что сотворим человекома сима? Яко убо нарочитое знамение бысть има, всем живущым во Иерусалиме яве, и не можем отврещися: Деян.4:17 но да не более прострется в людех, прещением да запретим има ктому не глаголати о имени сем ни единому от человек. Деян.4:18 И призвавше их, заповедаша има отнюд не провещавати ниже учити о имени Иисусове. Деян.4:19 Петр же и Иоанн отвещавша к ним реста: аще праведно есть пред Богом вас послушати паче, нежели Бога, судите: Деян.4:20 не можем бо мы, яже видехом и слышахом, не глаголати. Деян.4:21 Они же призапрещше има, пустиша я, ничтоже обретше како мучити их, людий ради, яко вси прославляху Бога о бывшем: Деян.4:22 лет бо бяше множае четыредесяти человек той, на немже бысть чудо сие исцеления. Евангелие Ин.5:17 Иисус же отвещаваше им: Отец Мой доселе делает, и Аз делаю. Ин.5:18 И сего ради паче искаху Его Иудее убити, яко не токмо разоряше субботу, но и Отца Своего глаголаше Бога, равен Ся творя Богу. Ин.5:19 Отвеща же Иисус и рече им: аминь, аминь глаголю вам, не может Сын творити о Себе ничесоже, аще не еже видит Отца творяща: яже бо Он творит, сия и Сын такожде творит. Ин.5:20 Отец бо любит Сына и вся показует Ему, яже Сам творит: и болша сих покажет Ему дела, да вы чудитеся. Ин.5:21 Якоже бо Отец воскрешает мертвыя и живит, тако и Сын, ихже хощет, живит. Ин.5:22 Отец бо не судит ни комуже, но суд весь даде Сынови, Ин.5:23 да вси чтут Сына, якоже чтут Отца. (а) иже не чтит Сына, не чтит Отца пославшаго Его. Ин.5:24 Аминь, аминь глаголю вам, яко слушаяй словесе Моего и веруяй Пославшему Мя имать живот вечный, и на суд не приидет, но прейдет от смерти в живот.