Порядок чтений: Среда, 30 сентября 2026 г. (17 сентября ст.ст.) — 29 сентября 2026 г. в 17:56:55.725
Порядок чтений: Среда, 30 сентября 2026 г. (17 сентября ст.ст.) Седмица 18-я по Пятидесятнице Мцц. Веры, Надежды, Любови и матери их Софии (ок. 137) Богослужебные указания для священно- и церковнослужителей Евангельские и Апостольские чтения На литургии Апостол Еф.5:25 Мужие, любите своя жены, якоже и Христос возлюби Церковь, и Себе предаде за ню, Еф.5:26 да освятит ю, очестив банею водною в глаголголе: Еф.5:27 да представит ю Себе славну Церковь, не имущу скверны, или порока, или нечто от таковых, но да будет свята и непорочна. Еф.5:28 Тако должни суть мужие любити своя жены, яко своя телеса: любяй бо свою жену, себе самаго любит. Еф.5:29 Никтоже бо когда свою плоть возненавиде, но питает и греет ю, якоже и Господь Церковь: Еф.5:30 зане уди есмы Тела Его, от плоти Его и от костей Его. Еф.5:31 Сего ради оставит человек отца своего и матерь, и прилепится к жене своей, и будета два в плоть едину. Еф.5:32 Тайна сия велика есть: аз же глаголю во Христа и во Церковь. Еф.5:33 Обаче и вы, по единому кийждо свою жену сице да любит, якоже (и) себе: а жена да боится (своего) мужа. Евангелие Мк.11:23 имейте веру Божию: аминь бо глаголю вам, яко, иже аще речет горе сей: двигнися и верзися в море: и не размыслит в сердцы своем, но веру имет, яко еже глаголет, бывает: будет ему, еже аще речет: Мк.11:24 сего ради глаголю вам: вся елика аще молящеся просите, веруйте, яко приемлете: и будет вам: Мк.11:25 и егда стоите молящеся, отпущайте, аще что имате на кого, да и Отец ваш, Иже есть на небесех, отпустит вам согрешения ваша: Мк.11:26 аще ли же вы не отпущаете, ни Отец ваш, Иже есть на небесех, отпустит вам согрешений ваших.