Порядок чтений: Суббота, 3 октября 2026 г. (20 сентября ст.ст.) — 2 октября 2026 г. в 16:39:33.180
Порядок чтений: Суббота, 3 октября 2026 г. (20 сентября ст.ст.) Седмица 18-я по Пятидесятнице Суббота по Воздвижении. Мчч. и испп. Михаила, кн. Черниговского, и болярина его Феодора, чудотворцев (1245) Вмч. Евстафия Плакиды, жены его Феопистии и чад их Агапия и Феописта (ок. 118) Богослужебные указания для священно- и церковнослужителей Евангельские и Апостольские чтения На литургии Чтение на праздник: Апостол 1Кор.1:26 Видите бо звание ваше, братие, яко не мнози премудри по плоти, не мнози сильни, не мнози благородни: 1Кор.1:27 но буяя мира избра Бог, да премудрыя посрамит, и немощная мира избра Бог, да посрамит крепкая: 1Кор.1:28 и худородная мира и уничиженная избра Бог, и не сущая, да сущая упразднит, 1Кор.1:29 яко да не похвалится всяка плоть пред Богом. Евангелие Ин.8:21 Рече же им паки Иисус: Аз иду, и взыщете Мене, и во гресе вашем умрете: аможе Аз иду, вы не можете приити. Ин.8:22 Глаголаху убо Иудее: еда Ся Сам убиет, яко глаголет: аможе Аз иду, вы не можете приити? Ин.8:23 И рече им: вы от нижних есте, Аз от вышних есмь: вы от мира сего есте, Аз несмь от мира сего: Ин.8:24 рех убо вам, яко умрете во гресех ваших: аще бо не имете веры, яко Аз есмь, умрете во гресех ваших. Ин.8:25 Глаголаху убо Ему: Ты кто еси? И рече им Иисус: Начаток, яко и глаголю вам: Ин.8:26 многа имам о вас глаголати и судити: но Пославый Мя истинен есть, и Аз, яже слышах от Него, сия глаголю в мире. Ин.8:27 Не разумеша (убо), яко Отца им глаголаше. Ин.8:28 Рече же им Иисус: егда вознесете Сына Человеческаго, тогда уразумеете, яко Аз есмь, и о Себе ничесоже творю, но, якоже научи Мя Отец Мой, сия глаголю: Ин.8:29 и пославый Мя со Мною есть: не остави Мене единаго Отец, яко Аз угодная Ему всегда творю. Ин.8:30 Сия Ему глаголющу, мнози вероваша в Него. Чтение под зачало: Апостол 1Кор.15:39 Не всяка плоть таже плоть: но ина убо плоть человеком, ина же плоть скотом, ина же рыбам, ина же птицам. 1Кор.15:40 И телеса небесная, и телеса земная: но ина убо небесным слава, и ина земным: 1Кор.15:41 ина слава солнцу, и ина слава луне, и ина слава звездам: звезда бо от звезды разнствует во славе. 1Кор.15:42 Такожде и воскресение мертвых: сеется в тление, востает в нетлении: 1Кор.15:43 сеется не в честь, востает в славе: сеется в немощи, востает в силе: 1Кор.15:44 сеется тело душевное, востает тело духовное. Есть тело душевное, и есть тело духовное. 1Кор.15:45 Тако и писано есть: бысть первый человек Адам в душу живу, последний Адам в дух животворящь. Евангелие Мф.25:1 Тогда уподобися Царствие Небесное десятим девам, яже прияша светилники своя и изыдоша в сретение жениху: Мф.25:2 пять же бе от них мудры и пять юродивы. Мф.25:3 Юродивыя же, приемшя светилники своя, не взяша с собою елеа: Мф.25:4 мудрыя же прияша елей в сосудех со светилники своими: Мф.25:5 коснящу же жениху, воздремашася вся и спаху. Мф.25:6 Полунощи же вопль бысть: се, жених грядет, исходите в сретение его. Мф.25:7 Тогда восташа вся девы тыя и украсиша светилники своя. Мф.25:8 Юродивыя же мудрым реша: дадите нам от елеа вашего, яко светилницы наши угасают. Мф.25:9 Отвещаша же мудрыя, глаголющя: еда како не достанет нам и вам: идите же паче к продающым и купите себе. Мф.25:10 Идущым же им купити, прииде жених: и готовыя внидоша с ним на браки, и затворены быша двери. Мф.25:11 Последи же приидоша и прочыя девы, глаголющя: Господи, Господи, отверзи нам. Мф.25:12 Он же отвещав рече им: аминь глаголю вам, не вем вас. Мф.25:13 Бдите убо, яко не весте дне ни часа, в оньже Сын Человеческий приидет.