Амма улууһун Алтанын Назаровтарыгар ыалдьыттаатым. Снежана Ивановна уонна Петр Михайлов...
Амма улууһун Алтанын Назаровтарыгар ыалдьыттаатым. Снежана Ивановна уонна Петр Михайлович көрсүө-сэмэй ыал бэйэлэрин дьарыктарын, ситиһиилэрин кэпсээтилэр. Снежана Сунтаартан төрүттээх, Алтан кийиитэ, 2021 сыллаахха социальнай контрагынан көмө ылбыт. Бэйэ дьыала тэринэн самозанятай быһыытынан биэстэн тахса сыл үчүгэйдик үлэлии сылдьар. Ол курдук биэс сыл тухары «Ньургуһун» диэн кыраһыабай буолуу салоннаах. Дьон сайаапкатынан чугастыы сытар Сатаҕай, Эмис нэһилиэктэригэр баран эмиэ баттах кырыйар. Соцконтракт көмөтүнэн араас тэриллэри атыыласпыт. Дьарыгын олуһун диэн сөбүлүүрэ көстөр, астына кэпсиир. Аан маҥнай парикмахер өҥөтүн оҥорор эбит: баттах кырыйыыта, кырааскалааһына, эмтээһинэ. Кэнники сыллларга кыра-кыралааан өҥөлөрө элбээн испит, билигин тыҥырах, хаас, кыламан, уос оҥорор. «Ньургуһун» салон чөкө, уурбут-туппут курдук, Снежана элбэхтик үөрэнэр, үрдэтинэр эбит. Бу сотору Санкт-Петербургтан маастар кэлэн үөрэтэр диэн Дьокуускайдыам этэ диир. Снежана бэйэтэ медик үөрэхтээх, эрдэ 15 сылтан тахса доруобуйа харыстабылын эйгэтигэр Алтаҥҥа балыыһаҕа үлэлээбит. Элбэх идеялардаах, кини сатаабата суох быһылаах, иистэнньэҥ, уопсайынан иис-уус өттүн барытын сатыыр: макраме өрөр, брошка тигэр, сакааһынан торт да астыыр. Кэргэнэ Петр «Иэйии» культура киинигэр хореограф. Нэһилиэккэ кырдьаҕас араҥаны, орто саастаахтары, эдэрдэри барытын хабан туран үҥкүү куруһуогун тэрийэн ыытар. Араас күрэхтэргэ, улуус, республика да буоллун куруук ситиһиилээхтик кытталлар. Соторутааҕыта Саха республикатын культуратын туйгуна буолбут! Назаровтар элбэх оҕолоох ыал. Улахан уоллара армияттан кэлэн Дьокуускайга үлэһит, кыыстара устудьуон, мурун бүөлэрэ – кыралара 11-кэ үөрэнэр. Ыал аҕата кэтэх хаһаайыстыба көрөр. Сэдэх көтөрдөрү – павлиннары, индюктары. Сайын бэйэтэ кыра зоопарк! Сибиинньэ иитэрин сөбүлүүр. Былырыыҥҥаттан вьетнамскай боруодаҕа көспүттэр. Быдан ыраас, элбэх сыалаах эбит. Козалаахтар, онтукаларын үүтүн дьон хамаҕатык ылар, куруусса сымыытын кыһыннары сииллэр, атыылыыллар. Нэһилиэк олоҕор-дьаһаҕар көхтөөхтүк кытталлар, бары аҕаларын курдук үҥкүүһүттэр, ийэлэрэ ыллыыр. Назаровтар курдук айар-тутар, олоххо киэҥ көрүүлээх саха ыала элбии-үксүү турдуннар! #биирсомоҕо #дьоҥҥокыһамньы #үтүөтүмүк