🫎 Сэтинньи ый - Байанай ыйа
🫎 Сэтинньи ый - Байанай ыйа Сэтинньи ый билгэтин толору уонна Коля Кривошеин бу ый туһунана санааларын сиһилии сайтка киирэн ааҕыҥ. Тибии билгэтэ: Сэтинньигэ элбээбитэ үс тибии түһэр. Оччого сааһын тоҕус тибии түһэр (бу өҥ сайыны билгэлиир). Тибии аҕыйаҕа — кураан сайыны көрдөрөр. Түүмэх (кыраһа): Сэтинньигэ түүмэх (уу паара тоҥон хаар буолуута) түһэн барар. Түүмэх элбэх буоллаҕына — өҥ дьыл, аҕыйах буоллаҕына — кураан. Сэтинньи 2 күнэ: Бу күн былыттаннаҕына — кыһына ичигэс, оттон тымныйан бүрүйдэҕинэ — кыһына тымныы буолар. Сэтинньи 8 күнүттэн (Миитэрэйэп күнэ): Идэһэ сүөһү өлөрөр кэм саҕаланар. Бу күн халлаан хайдаҕыттан көрөн кыһыҥҥы тымныыны сылыктыыллар. Сэтинньи 15 күнэ: Өрүскэ муус халыҥа 40-45 см тиийэн, чэпчэки уйуктаах массыынаҕа кыһыҥҥы суол арыллар (муҥха бүтэр кэмэ). Сэтинньи 22 күнэ (Ый туолуута): Бу күн былытырдаҕына, ахсынньы саҥатыгар диэри ичигэс күннэр туруохтара. Сэтинньи 26–29 күннэрэ: Ый бүтэһигэр «сэргэ төбөтө сэтэриччи тоҥор» аан-даам тымныылар үүнэллэр. @um_vestnik @ulusmedia