Энэ үдэр, июниин 12 то, Новонүхэд тосхондо"Үнгын голой үльгэршэдэй талмай» нээгдэбэ. — 12 июня 2026 г. в 05:17:12.502
Энэ үдэр, июниин 12 то, Новонүхэд тосхондо"Үнгын голой үльгэршэдэй талмай» нээгдэбэ. Буряад үльгэр сахигшадта, арадай соёл шэнжэлэгшэдтэ зорюулагдаhан ниитын шэнэ объект региональна тэдхэмжын ашаар, тойрогой ажаhуугшадай эдэбхитэй хабаадалгаар дэмжэhэн областной ландшафтын түсэлэй хэмжээндэ байгуулагдаа. «Гэсэр» гэһэн баатарлиг эпос, арадай заншал, буряад арадайнгаа түүхэтэ дурасхаал сахижа, саашань дамжуулһан Үнгын голой эрхим үльгэршэдтэ энэ талмай зорюулагдана. Эндэ постамент дээрэ зургаан бюст табигданхай: үльгэршэд Пёохон Петров, Папа Тушемилов, Парамон Дмитриев, Александр Васильев (Альфор), Бажей Жатухаев, буряадай мэдээжэ этнограф, фольклорист Матвей Хангалов. Гадна талмай дээрэ үльгэр түүрээгшэдэй ажабайдал, зохёохы уг гарбал тухай мэдээсэлэй самбарнууд тогтоогдобо. Нээлгын баяр ёһололдо тойрогой захиргаанай үндэһэн хэлэнүүдэй дарга Вероника Харбанова хабаадаба. Мүнөө «Гэсэр» гэһэн ниитын түбтэ «Заповедный край бурятского эпоса» гэһэн дүхэриг шэрээ үнгэрнэ. Тэрэнэй хүдэлмэридэ Улаан-Үдын ,Эрхүүгэй эрдэмтэд, уран зохеолшод, ниитын ажаябуулагшад хабаадана. Шэнэ парк ганса шэмэглэгдэһэн олониитын талмай бэшэ, харин тойрогой ажаһуугшадые болон айлшадые Үнгын голой онсо баялигтай, буряад эпическэ урлалтай танилсуулха зорилготой соёлой болон болбосоролой шухала объект болохо гэжэ түсэл зохёогшод тэмдэглэнэ. Подписаться