Боохоной багшанарай колледжын дэргэдэ июниин 15-19 үдэрнүүдтэ мэргэжэлтэ стажировко то... — 16 июня 2026 г. в 03:35:29.476
Боохоной багшанарай колледжын дэргэдэ июниин 15-19 үдэрнүүдтэ мэргэжэлтэ стажировко тойрогой буряад хэлэнэй багшанар гарана. Тэрэнэй эмхидхэгшэ Усть-Ордын Буряадай тойрогой захиргаан, Усть-Ордын гимнази-интернат, багшанарай колледж, Эрхүүгэй областиин дээдэ мэргэжэлэй болбосоролой этнорегиональна болбосоролой түб гэгшэдтэй хамта "Реализация учебных программ по родному бурятскому языку, литературному чтению на родном бурятском языке, родной бурятской литературе: опыт, разработка, перспективы" гэһэн темэдэ һуралсалай хэмжээ ябуулга эмхидхэнэ. Табан үдэрэй туршада багшанарта презентациин платформанууд болбосоролой ябасада хэрэглэгдэдэг шэнэ оньһото технологинууд болон нөөсэ баялигууд тухай мэдэхэ арга боломжо олгохо, багшын шадабариие ехээр дээшэлүүлхэ байна. Энэ стажировко хадаа багшанарай мэргэжэлэй талаар хүгжэлтын шухала шата боложо, түрэлхи хэлэндээ дүй дүршэлөө дээшэлүүлжэ, хараа бодолыень үргэдхэхэ бшуу. Олдоhон дүй дүршэл саашанхи ажалдань хэрэгтэй болохонь дамжаггүй, буряад хэлэнэй хэшээлнүүдые hурагшадта hонирхолтой, аша үрэтэй болгохо хэрэгтэ туhатай байха. Энэ ехэ хэмжээ ябуулганда Усть-Ордын Буряадай тойрогой захиргаанай үндэhэн хэлэнүүдэй таhагай дарга Вероника Харбанова, Эрхүү можын гүрэнэй дээдэ мэргэжэлэй болбосоролой эмхиин этнорегиональна болбосоролой түбэй хүтэлбэрилэгшэ Наталья Замбулаева, Буряадай гүрэнэй ехэ һургуулиин эрдэмтэд, Буряад Уласай Үндэһэтэнэй лицей-интернадай багшанар хабаадана. Подписаться