Людмила Адушкина: "Сюкпря регионсонть ламо эйкакшонь трямонть кисэ!» — 24 сентября 2026 г. в 14:31:59.217
Людмила Адушкина: "Сюкпря регионсонть ламо эйкакшонь трямонть кисэ!» Мордовия Республикань Прявтонть Артём Здуновонь инаугурациянь церемониясонть кортась ламо эйкакшонь триця авась Людмила Адушкина. Сон тешкстызе, кочкамотнесэ изнямось кармась республикань эрицятнень покш кемемань тешксэкс. - Монень, кода аванень, кода ламо эйкакшонь триця аванень, эрявить минек эйкакштнень стабильностесь, безопасностесь, паро эрямось. Ёвтан тенк покш сюкпря сень кисэ, тынь явтадо пек ламо шка аваксчинь ды эйкакшпингень кевкстематненень, эйкакш марто семиятнень эрямост вадрялгавтомань коряс кевкстематненень, — пшкадсь республикань лидерэнтень Людмила Адушкина. Башка сюкпря сон ёвтась регионсонть ламо эйкакшонь кастоманть кисэ. Кортамонть прядовомга Людмила Адушкина арсесь республикань Прявтонтень кеме шумбрачи, певтеме вийть ды вийть путозь весе тевтнень ды аравтлувтнень топавтомга. - Кадык тынк важодемась канды минек республикань сюпавчи ды паро эрямо минек вечкевикс Мордовиянь эрьва кудонтень ды эрьва семиянтень, - тешкстызе Людмила Адушкина.