Мордовиянь паксятнесэ моли норовонь урядамось.
Мордовиянь паксятнесэ моли норовонь урядамось. Течинь чинтень республикасонть уш пивсэзь 123 тёжадо ламо тоннат сюро, средней урожайностесь 44,1 центнерт гектарсто. Вадря невтевкст пиже кснавонь анокстамонть коряс: пурназь 4 тёжадо ламо тоннат, урожайностесь пачколи 41,1 центнерс. Моли оень ды эмежень культуратнень урядамось, истя жо коромонь анокстамось - уш анокстазь 420 тёжадо ламо тоннат сенаж ды 21 тёжат тоннат тикше. Специалисттнэнь арсемаст коряс, вадря пертьпельксэнть пингстэ региононтень мереви саемс производствань редявикс покшолмат: малав 1 млн 755 тёжат тоннат сюро, 1 млн 25 тёжат тоннат ламбамо якстерькай, истя жо 169 тёжат тоннат оень культурат ды 90 тёжат тоннат эмежть. Арсеви, сюронь ды зернобобовой культуратнень урядамось прядови таштамковонь васенце декадастонть, оень культуратнень урядамось - ковонь колмоце декадастонть.
Канал в каталоге Максиметера
75 подписчиков · Медиа и блоги