Те чистэнть мазыйдеяк мазый таркасо чачсь содавикс раськень ёвксонь ладсицясь - ёвтниця...
Те чистэнть мазыйдеяк мазый таркасо чачсь содавикс раськень ёвксонь ладсицясь - ёвтницясь, валморонь ды моронь ладсиесь, эрзянь кельсэ сёрмадыцясь, Республикань Государственной Премиянь лауреатось, Мордовиянь Культурань заслуженной важодицясь- Серафима Марковна Люлякина✨ Сонзэ чачома таркась- Рав томбальксэсь – эрзянь фольклоронть куншкакурозо. Те ине эрзянь авась сюпалгавтызе тиринь литературанть од моросо, ёвтнемасо, ёвкссо, конатнень ладсесь эрямонзо перть. Сон тиринь кельсэ зярыя книгань автор. Сонзэ книгатнень ловныть, кода покштнэ истя эйкакштнэяк. С.М.Люлякинань ламо сёрмадовксонзо совавтозь тиринь келень коряс тонавтнемань книгатнес. Эрямо шкастонзо Серафима Марковна вастневсь ламо велень ды ошонь ломантнень марто, аволь ансяк Мордовия Республикасо, косо сон эрясь ламо иень перть, Россиянь лия регионтнэваяк, косо эрить эрзятне ды мокшотне. Вастневсь школань тонавтницятнень ды тонавтыцятнень марто, морсесь тенст эсензэ моротнень, ловнось валморот, содавтсь весень эсензэ шкинеманть марто, эрзянь раськенть культуранзо марто📖🖊 Серафима Марковнань путовксозо а онкставиця. Свал кармить гайгеме сонзэ мазый моронзо, кармить ловновомо превей книганзо ды соньскак карми эрямо минек седейсэ свал🎶
Канал в каталоге Максиметера
75 подписчиков · Медиа и блоги