Саран ошонь студенттнэ ваннызь Пушкинкасо Мордовиянь СМИ-нь коряс архивтнень.⁉️
Саран ошонь студенттнэ ваннызь Пушкинкасо Мордовиянь СМИ-нь коряс архивтнень.⁉️ Прявт ванновт ало кармасть Мордовия Республикань национальной изданиятне. Студенттнэ важодсть периодикань оригиналтнэнь марто, конатненень топодсть сядодо ламо иеть. Башка мельс тусь «Пролетарской газетань» 1920-це иень ожоковонь 23-це чинь цифровазь нолдамось. Сы шкань репортёртнэ дивазь редизь, сядо иеде икеле кулянь повесткась моли неень шканть ёнов.✅ Старшей библиотекаресь Лариса Гаршина ледстизе печатень прессань сырнень пингенть: "Икеле эрьва кудос почтальонось кандсь пек ламо газетат ды журналт. Сёрмадсть кода республикань прессанть, истя жо федеральной газетатнень ды журналтнэнь".❓ Национальной библиотекасо мероприятиясь ШМЖ-нь студенттнэнь туртов кармась аволь ансяк историянь коряс лекциякс, а профессияс совамокс. «Клиповой мышлениянь» ды сеске, ансяк сеедьстэ аволь виде интернет-кулятнень шкасто, архивень конёвонтень токамось ледстинзе журналистикань фундаментальной принциптнень: ответственностенть ды видечинть. Вастовомантень пурнавозетне састь ве мельс: истят изданиятнень ванстомась, кода «Мокша» ды «Сятко», - те аволь ансяк эрзятнень ды мокшотнень культурань ледстнемань кевкстемась, истя жо региононь информационной безопасностень юрось.🖨 Марина Журавлева
Канал в каталоге Максиметера
75 подписчиков · Медиа и блоги