МОЛИТВА О СТРАЖДУЩИХ ВИНОПИТИЕМ И НАРКОМАНИЕЙ
МОЛИТВА О СТРАЖДУЩИХ ВИНОПИТИЕМ И НАРКОМАНИЕЙ Отправляйте тем, кому эта молитва нужна! Сегодня особенно важно помолиться за страдающих от этого недуга! Видео от Священника Никиты Горбика. Влады́ко Го́споди, сотвори́вый челове́ка по о́бразу Твоему́ и по подо́бию, и Ду́ха Свята́го тому́ дарова́вый! Изба́ви па́дшее созда́ние Твое́ от рабо́ты вра́жия, отве́рзи ему́ две́ри покая́ния, А́нгела све́тла посли́ ему́, избавля́юща от вся́каго наве́та вра́жия. Услы́ши, Бо́же, припа́дающих к Тебе́ в ско́рби и печа́ли и не отврати́ лица́ Твоего́ от одержи́мых па́губною стра́стию винопи́тия (или́: наркома́нии), но даждь им кре́пость, наде́жду, ве́ру, произволе́ние благо́е утверди́ и приведи́ их ко спаси́тельному воздержа́нию, попали́ те́рние согреше́ний во́льных и нево́льных, да всели́тся в них благода́ть Твоя́, просвеща́ющая и очища́ющая всего́ челове́ка. Исцели́ их от тя́жкаго неду́га пия́нства (или́: наркома́нии), свободи́ от омраче́ния духо́внаго и окамене́ния серде́чнаго. Да́руй им здра́вие душе́вное и теле́сное, напра́ви на путь трудолю́бия и благоче́стия. Услы́ши, Ми́лостивый Го́споди, вопль роди́телей и сро́дников, пла́чущих о ча́дех и бли́жних свои́х. Твое́ бо есть е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Аминь