29 нчы сентябрь көнне көз фасылының үзенә генә хас булган матурлыгын һәм гүзәллеген күр...

29 нчы сентябрь көнне көз фасылының үзенә генә хас булган матурлыгын һәм гүзәллеген күрә белү, соклану хисләре тәрбияләү максатыннан, мәктәп укучылары һәм сыйныф җитәкчеләре "Яшелчә аланлыгы"на экскурсиягә бардык. Табигатьнең сары киемгә төренгән бу мизгелен күзәтү күңелләргә рәхәтлек тә, рухи байлык та бирде. Укытучы апалары ярдәмендә укучылар агачлар, кошлар турында белемнәрен ныгыттылар, аларны кадерләп сакларга кирәклеген төшенделәр. Шул нисбәттән, көзге муллык бәйрәме-"Сөмбелә"не табигатьтә уздыру да бик отышлы булды. Ямь өстенә ямь өстәп, авылдашыбыз Рафис абый Гайнуллин аланлыкны ял итү урынына әйләндергән! Тырышлыгыгыз, хезмәтегез, киң күңелегез өчен зур рәхмәт,Рафис абый! Туган якка хөрмэтнен бер матур өлгесе бу! Укучыларыбыз матур хезмәтне күреп, табигать белән хозурланып күңелле ял итеп, көзге матурлыкны күңелләренә сеңдереп кайттылар. Ниятләгән эшебез менә дигән тәрбия чарасы булды!